(ରିପୋର୍ଟସ ଟୁଡେ / ମଧୁସ୍ମିତା ତ୍ରିପାଠୀ): ନବରଙ୍ଗପୁର ଜିଲ୍ଲା ଧୋଡ୍ରା ନିକଟ ରାସ୍ତା କଡ଼ରୁ ଆଜି ଜଣେ ଅଜଣା ଯୁବକଙ୍କ ମୃତଦେହ ଉଦ୍ଧାର କରାଯାଇଥିବା ଜଣାଯାଇଛି । ତେବେ ଏଯାବତ ଉକ୍ତ ଯୁବକଙ୍କ ପରିଚୟ ମିଳି ପାରି ନଥିବା ଜଣାପଡିଛି ।
ସୂଚନାନୁସାରେ ଆଜି ସକାଳେ ଉକ୍ତ ଯୁବକଙ୍କ ମୃତଦେହ ରାସ୍ତାକଡ଼ରେ ପଡ଼ିଥିବା ଧୋଡ୍ରା ଗାଁର କିଛି ଲୋକ ଦେଖିଥିଲେ । ଏନେଇ ସେମାନେ ପୁଲିସକୁ ଖବର ଦେଇଥିଲେ। ଉମରକୋଟ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛନ୍ତି ।
ଯୁବକଙ୍କ ମୃତଦେହକୁ ବସିଥିବା ଦେଖି ଲୋକେ ହତବାକ ହୋଇଯାଇଥିଲେ। ସେଠାରେ ଥିବ ବାଇକଟିର ସମ୍ମୁଖ ଭାଗ ନଷ୍ଟ ହୋଇଯାଇଥିଲା। ପାରିପାର୍ଶିକ ସ୍ଥିତିରୁ ଯୁବକଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି। ପୁଲିସ୍ ଘଟଣାର ତଦନ୍ତ କରୁଛି।
