(ଶିଳାସ୍ମିତା ରାୟ) ଭୁବନେଶ୍ୱର: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ କେରଳର ୱାଇନାଡ ଆସନରୁ ଟକର ଦେବେ ଏନଡିଏର ତୁଷାର ବେଲ୍ଲାପଲ୍ଲୀ । ତୁଷାର ଭାରତ ଧର୍ମ ଜନସେନା ଅଧ୍ୟକ୍ଷ ଓ ତେଜସ୍ୱୀ ନେତା । ତୁଷାରଙ୍କ ଲଢିବାକୁ ନେଇ ସୂଚନା ଦେଇଛନ୍ତି ବିଜେପି ଅଧ୍ୟକ୍ଷ ଅମିତ ସାହା । ଅମିତ ଟୁଇଟକରି ୱାଇନାଡରୁ ବିଜେପି ତୁଷାରଙ୍କୁ ପ୍ରାର୍ଥୀ କରିଥିବା ଉଲ୍ଲେଖ କରିଚନ୍ତି ।
ପୂର୍ବରୁ ତୁଷାରଙ୍କୁ ତ୍ରିସୁର ଟିକେଟ ଦିଆଯାଇଥିଲା ଓ ସେଠାରେ ସେ ମଧ୍ୟ ପ୍ରଚାର ଆରମ୍ଭ କରିଥିଲେ । ଭାରତ ଧର୍ମ ଜନସେନା କେରଳରେ ଏନଡିଏର ସହଯୋଗୀ ଅଟେ । ଗତ ନିର୍ବାଚନରେ ତାଙ୍କୁ ୫ଟି ସିଟ ମିଳିଛି । ପୂର୍ବରୁ ତୁଷାର ଘୋଷଣା କରିଥିଲେ, ରାହୁଲ ୱାଇନାଡରୁ ଠିଆହେଲେ ପ୍ରାର୍ଥୀ ପରିବର୍ତ୍ତନ ହୋଇପାରେ ।
