(ପ୍ରିୟଦର୍ଶନୀ ସ୍ୱାଇଁ): ଦିନକୁ ଦିନ ବୃଦ୍ଧି ପାଉଛି ସଡ଼କ ଦୁର୍ଘଟଣା । ବେତନଟୀ ଥାନା ଅଧୀନ କାଠପାଳରୁ କୁଳିଅଣା ବରଯାତ୍ରୀ ଯାଉଥିବା ଏକ ପିକଅପ ଗାଡ଼ି ପୋଲ ନିକଟରେ ଭାରସମ୍ୟ ହରାଇ ଓଲ୍ଲଟି ପଡ଼ଛି । ଫଳରେ ୩୬ଗଣ ଆହତ ହୋଇଛନ୍ତି । ସେଥିମଧ୍ୟରୁ ୨୦ଜଣ ଗୂରୁତର ହୋଇପଡ଼ିଥିବା ବେଳେ ସମସ୍ତ ଆହତଙ୍କୁ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭତ୍ତି କରାଯାଇଛି । ବେତନଟୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଆମ୍ବୁଲାନ୍ସ ନ ଥିବାରୁ ଗୁରୁତରଙ୍କୁ ବାରିପଦା ସ୍ଥାନାନ୍ତର କରିବାରେ ସ୍ଥାନୀୟ ଡାକ୍ତରଖାନା ପକ୍ଷରୁ କଷ୍ଟକର ବ୍ୟାପାର ହୋଇପଡିଛି। ଏହାକୁ ନେଇ ଡାକ୍ତରଖାନା ପରିସରରେ ଉତ୍ତେଜନା ଦେଖା ଦେଇଛି। ପିକଅପ୍ ଡ୍ରାଇଭର ଶମ୍ଭୁ ମଦପିଇ କରି ଗାଡ଼ି ଚଳାଉଥିବାରୁ ଏପରି ଦୁର୍ଘଟଣା ଘଟିଥିବା ଆହତ ବ୍ୟକ୍ତିମାନେ କହିଥିବା ଜଣାପଡିଛି।
