(ମୃତ୍ୟୁଞ୍ଜୟ ଭୋଇ/ରିପୋଟରର୍ସ ଟୁଡ଼େ): ଯାଜପୁର ଜିଲ୍ଲା ବରୀ ନିର୍ବାଚନମଣ୍ଡଳୀ ପାଇଁ ବିଜେଡି ଏଯାଏ ପ୍ରାର୍ଥୀ ଘୋଷଣା କରି ନାହିଁ। ଗତକାଲି ଟିକେଟ ଆଶାୟୀ ବିଜୟ ନାୟକଙ୍କ ସମର୍ଥକମାନେ ନବୀନ ନିବାସ ଆସି ତାଙ୍କୁ ପ୍ରାର୍ଥୀ କରିବାକୁ ଦାବି କରିଥିଲେ। ପ୍ରତିଯୋଗିତାମୂଳକ ଭାବେ ଆଜି ବରୀ ବିଧାୟକ ଦେବାଶିଷ ନାୟକଙ୍କ ସମର୍ଥକ ନବୀନ ନିବାସ ଆଗରେ ନାରାବାଜି କରିଛନ୍ତି। ଏହାସହ ଦେବାଶିଷ ନାୟକଙ୍କୁ ପୁଣି ଥରେ ଟିକେଟ ଦେବାକୁ ଦାବି କରିଛନ୍ତି। ସେହିପରି ନିଆଳିର ଆଶାୟୀ ପ୍ରାର୍ଥୀ ତୃପ୍ତିରଂଜନ ବେହେରାଙ୍କ ସମର୍ଥକ ନବୀନ ନିବାସ ଆସି ବିଧାୟକ ପ୍ରମୋଦ ମଲ୍ଲିକଙ୍କ ବିରୋଧରେ ସ୍ଲୋଗାନ ଦେଇଛନ୍ତି। ପ୍ରମୋଦଙ୍କ ବଦଳରେ ତୃପ୍ତିରଂଜନ ବେହେରାଙ୍କୁ ନିଆଳିରେ ଟିକେଟ ଦେବାକୁ ସେମାନେ ଦାବି କରିଛନ୍ତି।
