(ଦିଲ୍ଲୀପ ସାହୁ / ଜଗତସିଂହପୁର): ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ତିରଣ ଜଗନ୍ନାଥପୁର ଠାରେ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି ।ଜଗନ୍ନାଥପୁର ସ୍ପୋଟିଂ କ୍ଲବ ଆନୁକୂଲ୍ୟରେ ଆଜି ଠାରୁ ୯ତାରିଖ ପର୍ୟ୍ୟନ୍ତ ହେବାକୁ ଥିବା ଏହି କ୍ରିକେଟ ଟୁର୍ଣ୍ଣାମେଣ୍ଟକୁ ଯୁବନେତା ତଥା ସମାଜସେବୀ ଇଁ ପ୍ରମୋଦ କିଶୋର ଜେନା ଉଦଘାଟନ କରିଥିଲେ।ଆୟୋଜକ ଓ ଉଭୟ ଟିମର ଉପସ୍ଥିତିରେ ବନ୍ଦେ ଉତ୍କଳ ଜନନୀ ସଂଗୀତ ଗାନ କରାଯାଇ ମ୍ୟାଚ ଆରମ୍ଭ ହୋଇଥିଲା।ଉଦଘାଟନି ମ୍ୟାଚରେ ତିର୍ତ୍ତୋଲର ମା’ଶାରଳା ସ୍ପୋଟିଂ କ୍ଲବ ଟସ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ଓଭରରେ ୨୩୯ରନ କରିଥିଲେ।ଜବାବରେ ସ୍ଥାନୀୟ ବାରବାଟୀଆ କ୍ରିକେଟ ଟିମ ୧୫ଓଭରରେ ସମସ୍ତ ୟୁକେଟ ହରାଇ ୧୪୦ ରନ କରି ପରାଜିତ ହୋଇଥିଲେ।ବିଜୟୀ ଦଳ ପକ୍ଷରୁ ମଣିକାନ୍ତ ୧୧୨ରନ କରି ବାବୁଲୀ ସେଠିଙ୍କ ଠାରୁ ମ୍ୟାନ ଅଫ ଦି ମ୍ୟାଚ ଟ୍ରଫି ହାସଲ କରିଥିଲେ।କ୍ରିକେଟ ମ୍ୟାଚ ଦେଖିବାକୁ ଭିଡ ପରିଲକ୍ଷିତ ହୋଇଥିଲା।
