(ରଜନୀକାନ୍ତ ପାତ୍ର)ହିଂଜିଳି କାଟୁ: ହିଞ୍ଜିଳିକାଟୁ ଥାନା ଅନ୍ତର୍ଗତ ଶେରଗଡ ବ୍ଳକ କାଞ୍ଜିଆମା ଗ୍ରାମରେ ଘଟିଛି ଅଘଟଣ । ଆଜି ରବିବାର ଖୁଦୁରୁକୁଣୀ ଓଷା ହୋଇଥିବାରୁ କାଞ୍ଜିଆମା ଗାଁର କିଛି ଝିଅ ନଦୀରେ ପୂଜା କରି ବାଲି ଉଠାଇବା ବେଳେ ଅସାବଧାନତା ବଶତଃ ୫ ଜଣ ଝିଅ ନଦୀରେ ବୁଡ଼ି ଯାଇଥିଲେ । ଗ୍ରାମର ଯୁବକ ମାନଙ୍କ ଦ୍ଵାରା ୪ ଯୁବତୀ ଉଦ୍ଧାର ହୋଇଥିବା ବେଳେ ଜଣେ ନିଖୋଜ ଅଛନ୍ତି । ନିଖୋଜ ଯୁବତୀ ଜଣକ ହେଲେ କାଞ୍ଜିଆମା ଗ୍ରାମ କେଉଟ ସାହିର ମୁଳିଆ ବେହେରା ଙ୍କ ଝିଅ ସିଲି ବେହେରା (୧୮) ।
କାଞ୍ଜିଆମା ଗ୍ରାମର ୫୦ ରୁ ୬୦ଜଣ ଯୁବତୀ ପୂଜା ନିମନ୍ତେ ନଦୀକୁ ଯାଇଥିଲେ। ହଠାତ ତିନିଜଣ ଯୁବତୀ ବୁଡି ବାଲି ଧରି ଉଠିବା ବେଳକୁ ନଦୀର ପ୍ରଖର ସୁଅରେ ଭାସୀଯାଇଥିଲେ । ସେଠାରେ ଥିବା ଅନ୍ୟ ଝିଅମାନେ ଗାଁ ଲୋକଙ୍କ ସାହାଯ୍ୟରେ ସେମାନଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ । ସେମାନଙ୍କ ମଧ୍ୟରୁ ୨ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବାବେଳେ ଆଉ ଜଣେ ନାବାଳିକା ନିଖୋଜ ହୋଇଯାଇଛି ।ଖବର ପାଇଁ ଅଗ୍ନିଶମ ବିଭାଗ କର୍ମଚାରୀ ପହଁଚି ଝିଅଟିକୁ ଉଦ୍ଧାର କରିବାକୁ ଉଦ୍ୟମ ଜାରି ରଖିଥିଲେ ମଧ୍ୟ ନାବାଳିକାର କୌଣସି ଖବର ମିଳିନାହିଁ । ୩ ଘଣ୍ଟା ସମୟ ରେ ହିଂଜିଳି କାଟୁ ଦମକଳ ବାହିନୀ ଘଟଣା ସ୍ଥଳରୁ ଫେରି ଆସିବା ରୁ ଗ୍ରାମରେ ଚାପା ଉତାଜନ ଲାଗି ରହିଛି ଅନ୍ୟ ପକ୍ଷରେ ଝିଅକୁ ନ ପାଇ ପରିବାର ବର୍ଗ ଦୁଃଖ ରେ ଭାଗି ପଡ଼ିଛନ୍ତି। ଘଟଣା ସ୍ଥଳରେ ସେରଗଡ଼ ବିଡ଼ିଓ ସୁରର୍ଜନ ସାହୁ ଓ ହିଂଜିଳି ପୋଲିସ ପହଁଚି ଘଟଣା ତଦନ୍ତ ଚାଲିଥିବା ଶହ ନିଖୋଜ ଯୁବତୀଙ୍କ ପରିବାର ବର୍ଗ କୁ ସମ ଵେଦନା ଜଣାଇଛନ୍ତି ।