(ରଜନୀକାନ୍ତ ପାତ୍ର)ହିଞ୍ଜିଳି: ଦିଗପହଣ୍ଡି ପୋଲିସ ପକ୍ଷରୁ ସୋମବାର ସନ୍ଧ୍ୟାରେ ଗଞ୍ଜେଇ ବୋଝେଇ ଥିବା ଏକ ପିକ୍ ଅପ ଗାଡ଼ି ଜବତ କରାଯାଇଛି । ପାରଳାଖେମୁଣ୍ଡିରୁ ବ୍ରହ୍ମପୁର ଅଭିମୁଖେ ଦ୍ରୁତ ଗତିରେ ଆସୁଥିବା ମହିନ୍ଦ୍ରା ପିକ ଅପ ଭ୍ୟାନ ନଂ ଓ ଡି ୩୩ ଡ ବ୍ଲ୍ୟୁ ୦୫୩୨ କୁ ଅଟକାଇ ତଲାସ କରୁଥିବା ବେଳେ ସେଥିରେ ୧୯ ଶହ କେ. ଜି ଗଞ୍ଜେଇ ଥିବା ଜଣାପଡିଥିଲା।ଦିଗପହଣ୍ଡି ଅତିରିକ୍ତ ତହସିଲଦାର ତଥା କାର୍ୟ୍ୟନିର୍ବାହୀ ମାଜିଷ୍ଟ୍ରେଟ ପ୍ରଭାତି ମହାରଣା, ଚିକିଟି ଏସ ଡି ପି ଓ ସୁରେନ୍ଦ୍ରନାଥ ମୁର୍ମୁଙ୍କ ଉପସ୍ଥିତିରେ ଗଞ୍ଜେଇ ଜବତ କରାଯିବା ସହ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଥିବା ଆଇ ଆଇ ସି ବସନ୍ତ କୁମାର ସେଠୀ କହିଛନ୍ତି।ଅଭିଯୁକ୍ତ ଜଣକ ହେଲେ ଖୋର୍ଦ୍ଧା ଜିଲା ବାଲିଅନ୍ତା ଥାନା ଅଧୀନ ପୁରୁଣା ଶାସନ ଗାଁ ର ଗାଡି ଚାଳକ ବିଶ୍ଵ ରଞ୍ଜନ ବିଶ୍ଵାଳ। ଏନେଇ ପୋଲିସ ପକ୍ଷରୁ କେସ ନଂ – ୨୮/୨୦ ଅନୁଯାୟୀ ଅଭିଯୁକ୍ତ ଙ୍କ ବିରୋଧରେ ମାମଲା ରୁଜୁ କରାଯାଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୪୦ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି। ଗଞ୍ଜେଇ ବୋଝେଇ ଭ୍ୟାନଟି ପାରଳାଖେମୁଣ୍ଡିରୁ ପୁରୀ ଅଭିମୁଖେ ଯାଉଥିବା ପୋଲିସ ର ପ୍ରାଥମିକ ତଦନ୍ତରୁ ଜଣାପଡ଼ିଛି।
