(ଅଜିତ ସାହୁ)ଜଳେଶ୍ୱର: ଅଦିନିଆ ରଥଯାତ୍ରା କୁ କେନ୍ଦ୍ର କରି ସବୁଆଡେ ବିରୋଧ କରାଯାଉଥିବା ବେଳେ ଜଳେଶ୍ବର ମଧ୍ୟ ଏଥିରୁ ବାଦ ପଡ଼ିନାହିଁ। ଇସ୍କନ ଦ୍ବାରା ମୁମ୍ବାଇ ରେ ଶ୍ରୀଜଗନ୍ନାଥ ଙ୍କ ଗୁଣ୍ଡିଚା ରଥଯାତ୍ରା କରାଯାଇ ଜଗନ୍ନାଥ ସଂସ୍କୃତି କୁ ନଷ୍ଟ କରାଯାଉଛି ।ଯାହାକୁ ଖାଲି ଓଡ଼ିଶା ନୁହେଁ ସମଗ୍ର ଭାରତବର୍ଷରେ ଥିବା ବିଭିନ୍ନ ସ୍ଥାନରେ ବିଭିନ୍ନ ସଂଗଠନ ବିରୋଧ କରୁଅଛି।ଏହି ଅବସରରେ ଜଳେଶ୍ୱର ଜଗନ୍ନାଥ ସଂସ୍କୃତି ସମିତି , ପକ୍ଷରୁ ଦୃଢ଼ ବିରୋଧ କରାଯାଇଛି। ଜଗନ୍ନାଥ ମନ୍ଦିର ଠାରୁ ଖୋଲ କୀର୍ତ୍ତନ ସହିତ ଏକ ବିରାଟ ଶୋଭାଯାତ୍ରା ବାହାରି ସହର ପରିକ୍ରମା କରି ତହସିଲ ଅଫିସ ପର୍ୟ୍ୟନ୍ତ ଯାଇଥିଲେ। ମହାମହିମ ରାଷ୍ଟ୍ରପତି ଙ୍କ ଉଦ୍ଦେଶ୍ୟରେ ତହସିଲଦାର ଙ୍କ ଜରିଆରେ ଦାବି ପତ୍ର ଦେଇଥିଲେ। ଜଗନ୍ନାଥ ସଂସ୍କୃତି କୁ ସମ୍ମାନ ଦେଇ ଅଦିନିଆ ରଥଯାତ୍ରାକୁ ବନ୍ଦ କରିବାକୁ ନିବେଦନ କରିବାସହିତ, ଜଗନ୍ନାଥ ସଂସ୍କୃତିକୁ ଅପସଂସ୍କୃତି ରେ ପରିଣତ କରିବା ପାଇଁ ଉଦ୍ୟମ କରୁଥିବା ଦେଶି ଓ ବିଦେଶୀ ଅନୁଷ୍ଠାନ ,ବ୍ୟକ୍ତି ବିଶେଷ ମାନଙ୍କ ବିରୁଦ୍ଧରେ ଶକ୍ତ କାର୍ୟ୍ୟାନୁଷ୍ଠାନ ନେବାକୁ ନିବେଦନ କରିଥିଲେ।
