(ରିପୋର୍ଟସ ଟୁଡେ / ମଧୁସ୍ମିତା ତ୍ରିପାଠୀ): ବାଲେଶ୍ୱର ଜିଲ୍ଲା ତଳନଗର ନିକଟରେ ଆଜି ଭୋର ସମୟରେ ଏକ ଦୁର୍ଘଟଣା ଘଟିଯାଇଛି । ଏକ ମାଛ ବୋଝେଇ ଟ୍ରକ୍କୁ ପଛରୁ ପିକ୍ଅପ୍ ଭ୍ୟାନ ପିଟି ଦେଇଥିବା ଜଣାଯାଇଛି। ଏହି ଦୁର୍ଘଟଣାରେ ପିକ୍ଅପ୍ ଡ୍ରାଇଭର ଗୁରୁତର ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।
ଆନ୍ଧ୍ରରୁ କୋଲକତା ଅଭିମୁଖେ ଗୋଟିଏ ମାଛ ବୋଝେଇ ଟ୍ରକ୍ ଯାଉଥିଲା। ଏହି ସମୟରେ ପଛରୁ ଦ୍ରୁତ ଗତିରେ ଆସୁଥିବା ଲଙ୍କା ବୋଝେଇ ପିକ୍ଅପ୍ ଭ୍ୟାନ୍ ତଳନଗର ନିକଟରେ ଟ୍ରକ୍କୁ ପିଟିଥିଲା। ଘଟଣାସ୍ଥଳରେ ପିକ୍ଅପ୍ ଡ୍ରାଇଭର ଗୁରୁତର ହୋଇ ପଡ଼ିଥିଲେ । ଟ୍ରକ୍ ଡ୍ରାଇଭର, ହେଲପର ଘଟଣାସ୍ଥଳରୁ ଫେରାର ହୋଇଯାଇଥିଲେ। ପୁଲିସ୍ ପହଞ୍ଚି ଗାଡ଼ି ୨ଟିକୁ ଜବତ କରିବା ସହ ତଦନ୍ତ ଆରମ୍ଭ କରିଛି।
