(ଭୁବନେଶ୍ୱର/ରିପୋର୍ଟସଟୁଡେ): ୨୦୧୯ ନିର୍ବାଚନ ପାଖେଇ ଆସିଛି । ଏଥି ନିମନ୍ତେ ସାଧାରଣ ନିର୍ବାଚନରେ ଯେପରି କୈାଣସି ନେତା ଆଚରଣ ସଂହିତା ଉଲଂଘନ ନ କରନ୍ତି ତେଣୁ ବିଭିନ୍ନ ସ୍ଥାନରେ ଯାଞ୍ଚ କରାଯାଉଛି । ବିଭିନ୍ନ ସ୍ଥାନରେ ପୋଲିସ ଯାଞ୍ଚ ବେଳେ ବିପୁଳ ଟଙ୍କା ଜବତ ହେଉଥିବା ସୂଚନା ମିଳିଛି ।
ବଲାଙ୍ଗିର-ସୋନପୁର ରାସ୍ତାରେ ଯାଞ୍ଚ କରାଯାଉଥିବା ବେଳେ ହରଡ଼ଖୋଲ ନିକଟରୁ ଏକ କାର୍ରୁ ୩ ଲକ୍ଷ ଟଙ୍କା ଜବତ ହୋଇଥିବା ବେଳେ ଗା଼ଡ଼ି ମାଲିକଙ୍କୁ ଅଟକ ରଖାଯାଇଛି। ଝାରସୁଗୁଡ଼ା ଜିଲ୍ଲାରୁ ଦୁଇଟି ଗାଡ଼ିରୁ ପ୍ରାୟ ୬ ଲକ୍ଷ ଟଙ୍କା ଜବତ କରାଯାଇଛି । କେବଳ ଏତିକି ନୁହେଁ ପୋଲିସ ମୟୂରଭଞ୍ଜ ଜିଲ୍ଲା ବିଶୋଇ ବଜାର ଛକରୁ କାରରୁ ୩୪ ଲକ୍ଷ ୨୪ ହଜାର ଟଙ୍କା ଜବତ କରିଛି। ସେହିପରି ବଲାଙ୍ଗିର ଜିଲ୍ଲା ପାଟଣାଗଡ଼ ବର୍ଥଲା ଛକରେ ଯାଞ୍ଚ ବେଳେ ଏକ ଗାଡ଼ିରୁ ୮ ଲକ୍ଷ ଟଙ୍କା ମିଳିଥିବା ଜଣାପଡ଼ିଛି ।