(ରିପୋର୍ଟସ ଟୁଡେ / ମଧୁସ୍ମିତା ତ୍ରିପାଠୀ): ଜମ୍ମୁ-କଶ୍ମୀରର କୁପୱାରାଠାରେ ଥିବା ତଙ୍ଗଧାଇର ସେକ୍ଟରରେ ଗତକାଲି ବିଳମ୍ବିତ ରାତିରେ ଅସ୍ତ୍ରବିରତି ଉଲ୍ଲଂଘନ ହୋଇଥିବା ଜଣାଯାଇଛି । ଏଥିରେ ଜଣେ ନାଗରିକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୪ ଜଣ ଗୁରୁତର ଆହତ ହୋଇଥିବା ସୂଚନା ମିଳିଛି । ଏବଂ ଏହାର ପାଲଟା ଜବାବ ଦେଇଛି ଭାରତୀୟ ସେନା
ରିପୋର୍ଟରୁ ଜାଣିବାକୁ ମିଳିଛି ଯେ ପାକିସ୍ତାନ ନିୟନ୍ତ୍ରଣ ରେଖା ନିକଟରେ ଭାରତୀୟ ସୈନ୍ୟ ବାହିନୀ ଓ ନିକଟସ୍ଥ ଗାଁମାନଙ୍କରେ ଅସ୍ତ୍ରବିରତି ଉଲ୍ଲଂଘନ କରି ଗୋଳା ବାରୁଦ ବର୍ଷଣ କରିଥିଲା। ଏହା ସହ ଗୁଳିଚାଳନା ବି କରିଥିଲା । କିଛି ଗୋଳା ବାରୁଦ ସାଧାରଣ ନାଗରିକଙ୍କ ବାସସ୍ଥାନରେ ପଡ଼ିବା ଫଳରେ ଜଣେ ନାଗରିକଙ୍କର ମୃତ୍ୟୁ ଘଟିଛି ଓ ୪ ଜଣ ଆହତ ହୋଇଛନ୍ତି ।
