(ଶିଳାସ୍ମିତା ରାୟ) ଭୁବନେଶ୍ୱର: ଅଗଷ୍ଟ ୩୦ରେ ରିଲିଜ୍ ହେବ ଫିଲ୍ମ ‘ସାହୋ’ । ଏହାର ପ୍ରମୋସନ ପାଇଁ ଫିଲ୍ମର ହିରୋ ପ୍ରଭାସ ଲୋକପ୍ରିୟ ହିନ୍ଦୀ କମେଡି କାର୍ଯ୍ୟକ୍ରମ ’ ଦ କପିଲ ଶର୍ମା ସୋ’ରେ ପହଂଚିଛନ୍ତି । ପ୍ରଭାସଙ୍କ କାର୍ଯ୍ୟକ୍ରମ ନିକଟରେ ପ୍ରସାରଣ ହେବ । ପ୍ରଭାସଙ୍କ ସହ ଶ୍ରଦ୍ଧା ଏବଂ ନୀଲ ନୀତିନ୍ ମୁକେଶ ମଧ୍ୟ ଥିଲେ । ଏହି ସୋ’କୁ ଆସି ସବୁବେଳେ ଚୁପ୍ ରହୁଥିବା ଓ କମ ହସୁଥିବା ପ୍ରଭାସଙ୍କୁ ଖୁବ୍ ହସାଇଥିଲେ କପିଲ ।
ତେବେ କପିଲଙ୍କ ଏହି ସୋରେ ପ୍ରଭାସଙ୍କୁ ବିଭିନ୍ନ ପ୍ରଶ୍ନ କରାଯାଇଥିଲା । ସେମଧ୍ୟରେ ଥିଲା ଦିନକ ପାଇଁ ପ୍ରଧାନମନ୍ତ୍ରୀ ହେଲେ ସେ କଣ କରିବେ । ପ୍ରଭାସ ଉତ୍ତରରେ କହିଥିଲେ, ପ୍ରଧାନମନ୍ତ୍ରୀ ହେଲେ ମୁଁ ଇଣ୍ଡଷ୍ଟ୍ରିରେ ଚାଲୁଥିବା ସାକ୍ଷାତକାର ବନ୍ଦ କରିଦେବି । ପ୍ରଭାସଙ୍କ ଏଭଳି ଉତ୍ତର ଶୁଣି ଉପସ୍ଥିତ ଦର୍ଶକ ହସିବାକୁ ଲାଗିଥିଲେ ।
ସୂଚନାଯୋଗ୍ୟ ରିଲିଜ୍ ପୂର୍ବରୁ ହିଁ ପିଲ୍ମଟି କୋଟି କୋଟି ଟଙ୍କା ଆୟ କରି ସାରିଲାଣି । ରିଲିଜ୍ ପରେ ତାହା ବକ୍ସ ଅଫିସରେ କିଭଳି ଧମାଲ ମଚାଉଛି ତାହା ଦେଖିବାକୁ ବାକି ରହିଲା ।
