( ନବରଙ୍ଗପୁର / ଟୁକୁନା ଖରା): ନବରଙ୍ଗପୁର ବିଜେଡି ସାଂସଦ ବଳଭଦ୍ର ମାଝୀ ଙ୍କୁ ଆଜି ଜିଲ୍ଲା ବିଜେପି ପକ୍ଷରୁ ପୁଷ୍ପ ମାଲ୍ୟ ଦେଇ ବିପୁଳ ସ୍ୱାଗତ ସମ୍ବର୍ଦ୍ଧନା ଜଣାଇଛନ୍ତି।ନବରଙ୍ଗପୁର ସ୍ଥିତ ରଙ୍ଗମାଟିଗୁଡ଼ା ଶ୍ରୀ କଲ୍ୟାଣି ମଣ୍ଡପ ଠାରେ ସମ୍ବର୍ଦ୍ଧନା ସଭା ରେ ଶ୍ରୀ ମାଝୀ ଯୋଗ ଦେଇ କାର୍ୟ୍ୟକର୍ତା ମାନଙ୍କୁ ତାଙ୍କ ବକ୍ତବ୍ୟ ରଖିଥିଲେ।ଶ୍ରୀ ମାଝୀ କହିଥିଲେ ଯେ ମୁଁ ବିଜୁ ଜନତା ଦଳରେ ଯୋଗଦେଇ ନଥିଲି କିନ୍ତୁ ୨୦୧୪ ନିର୍ବାଚନରେ ବାଧ୍ୟ କରି ମୋତେ ମୁର୍ଗା ବନେଇବାକୁ ବିଜୁ ଜନତା ଦଳରେ ସାମିଲ କରିଥିଲେ।ଏବଂ ନିର୍ବାଚନ ଜିତିଲା ପରେ ମତେ ଭକୁଆ ବନେଇ କାର୍ୟ୍ୟ କରେଇ ଖଟେଇଲେ।ମୋତେ କୌଣସି ବିଜେଡ଼ି କାର୍ୟ୍ୟକ୍ରମ ରେ ଡାକୁନଥିଲେ ଓ ଅଣଦେଖା କରିବାରୁ ମୁଁ ଦଳ ଛାଡ଼ିବାକୁ ବାଧ୍ୟ ହେଲି ଓ ଭାରତୀୟ ଜନତା ପାର୍ଟି ରେ ଯୋଗ ଦେଲି। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅତି ଜ୍ଞାନୀ ତେଣୁ ତାଙ୍କ ସହିତ ରହି ଦଳକୁ ସୁଦୃଢ଼ କରିବା ସହ ଦଳର ନୀତିନିୟମକୁ ନେଇ ଏହି ଅଞ୍ଚଳର ବିକାଶ ଧାରାକୁ ଆଗକୁ ବଢ଼େଇବାକୁ ଚେଷ୍ଟା କରିବି ବୋଲି ସାଂସଦ ବଳଭଦ୍ର ମାଝୀ କହିଥିଲେ।ଏହି ସମର୍ଦ୍ଧନା ସଭାରେ ବହୁ କର୍ମୀ ମାନେ ନୂତନ ଭାବେ ଯୋଗ ଦେଇଥିଲେ।
