ନବସାରୀ : ବିବାହ ଉପହାର ପଡିଲା ମହଙ୍ଗା । ବାହାଘରରେ ମିଳିଥିବା ଉପହାର ପ୍ୟାକେଟ ଖୋଲିବା ପରେ ହେଲା ଭୟଙ୍କର ବିସ୍ଫୋରଣ । କଟିଗଲା ବରର ଦୁଇଟି ହାତ ଆଉ ନଷ୍ଠ ହୋଇଗଲା ଆଖି । ଏବେ ମେଡିକାଲରେ ଜୀବନ ସହ ସଂଗ୍ରାମ କରୁଛନ୍ତି ବର ଜଣଙ୍କ । ଦର୍ଶକ ବନ୍ଧୁ ବାହାଘର ଏକ ପବିତ୍ର ବନ୍ଧନ ଯେଉଁଥିରେ ପରିବାର ଆଉ ବନ୍ଧୁ ପରିଜନ ସବୁ ରାଗ ରୁଷା ଭୁଲି ଏକତ୍ରିତ ହୋଇଥାନ୍ତି । ବାହାଘରକୁ ନିମନ୍ତ୍ରିତ ହୋଇ ଆସିଥିବା ଅତିଥିମାନେ କିଛି ନା କିଛି ଉପହାର ଦେଇ ବରକନ୍ୟାଙ୍କୁ ଆର୍ଶିବାଦ କରିଥାନ୍ତି । ହେଲେ ସେହି ଉପହାର ଯେ ମହଙ୍ଗା ପଡିବ ତାହା କାହାକୁ ବା ଜଣ ଥିଲା ।
ଗୁଜୁରାଟର ନବସାରୀ ଜିଲ୍ଲା ବସନ୍ଦା ତାଲୁକା ସ୍ଥିତ ମିଠାମ୍ବରୀ ଗାଁରେ ଗତ ୧୨ ତାରିଖରେ ଏକ ବିବାହ ହୋଇଥିଲା । ବାହାଘରକୁ ନିମନ୍ତ୍ରିତ ହୋଇ ଆସିଥିବା ଅତିଥିମାନେ କିଛି ନା କିଛି ଉପହାର ଦେଇ ବରକନ୍ୟାଙ୍କୁ ଆର୍ଶିବାଦ କରି ଫେରି ଯାଇଥିଲେ । ହେଲେ ନଵ ବିବାହିତ ଲତେଶ ଗାବିତ ବାହାଘରରେ ମିଳିଥିବା ଉପହାର ଖୋଳୁଥିବା ବେଳେ ଏକ ଟେଡି ବିୟର ଦେଖିଥିଲେ । ଆଉ ଏହି ଟେଡି ବିୟର ଖୋଲିବା ବେଳେ ହଠାତ ହୋଇଥିଲା ଏକ ଭୟଙ୍କର ବିସ୍ଫୋରଣ । ଏହି ବିସ୍ଫୋରଣରେ ଲତେଶଙ୍କ ସହ ତାଙ୍କର ଜଣେ ୩ ବର୍ଷର ଭଣଜା ବି ଗୁରୁତର ଆହତ ହୋଇଛନ୍ତି ।ସେପଟେ ଏଭଳି ବିସ୍ଫୋରଣ ଘଟାଇଥିବା ଲୋକକୁ ଠାବ କରାଯାଇଛି । ଏଭଳି ମାରାତ୍ମକ ଉପହାର ଦେଇଥିବା ବ୍ୟକ୍ତି ଜଣଙ୍କ ହେଉଛନ୍ତି ଲତେଶଙ୍କ ପତ୍ନୀ ସଲମାଙ୍କ ସଂପର୍କୀୟ । ଏନେଇ ନିଜେ ଖୁଲାସା କରିଛନ୍ତି ସଲମାଙ୍କ ବାପା । ସେ କହିଛନ୍ତି କି ବାହାଘର ଦିନ ସଲମାର ବଡ ଭଉଣୀଙ୍କ ପୂର୍ବ ବୟଫ୍ରେଣ୍ଡ ଜଣେ ଆଶାକର୍ମୀଙ୍କ ସହ ଉପହାରରେ ଏହି ଟେଡି ବିୟର ପଠାଇଥିଲେ ।