(ମମତା ସାମଲ)ରିପୋର୍ଟସଟୁଡେ: ନିଶଦ୍ଦ ରାତ୍ରି,ଚାରିଆଡେ ମାଡିଯାଇଥାଏ କୁହୁଡି ବଳୟ । ଶୀତଲହରୀ ଦେହରେ ବାଜିଲା ମାତ୍ରେ ଦେହରେ ଶୀହର ଖେଳିଯାଇଥାଏ । ତେବେ ଶୀତୁଆ ରାତିରେ କେମିତି ରହିଛି ଶ୍ରୀକ୍ଷେତ୍ରର ଦୃଶ୍ୟ ? ଉଚ୍ଛେଦ ପରେ ଅଧରାତିରେ କେମିତି ଦିଶୁଛି ବଡ ଠାକୁରଙ୍କ ବଡଦାଣ୍ଡ ?
ସଞ୍ଜ ନଇଁଲେ କୁହୁଡି ଆସୁଛିଟ୍ଟ ରାତି ବଢିଲେ ମନ ମୋହୁଛି । କାଳିଆ ଧାମରେ ରାତି ସହ କ୍ରୀଡା କରୁଥିବା କୁହୁଡି ଆଉ ତା ଭିତରେ ଷ୍ଟ୍ରିଟ ଲାଇଟର ତୋଫା ଆଲୁଅ ଶ୍ରୀକ୍ଷେତ୍ରର ସୌନ୍ଦର୍ୟ୍ୟକୁ ଦ୍ୱିଗୁଣିତ କରୁଛି । ଏମିତି ଲାଗୁଛି ପୁରୀ ଆକାଶରୁ ତାରାମାନେ ଯେମିତି ତଳକୁ ଓହ୍ଲାଇ ଆସି କାଳିଆ ସାଆନ୍ତକୁ ମୁଣ୍ଡିଆ ମାରୁଛନ୍ତି ।
ସେପଟେ ଶ୍ରୀମନ୍ଦିର ଚାରିପାଖ ଉଚ୍ଛେଦ ହେବା ପରେ ବଡଦାଣ୍ଡ ଫର୍ଚ୍ଚା ଫର୍ଚ୍ଚା ଦିଶୁଛି । ଦୂର ଦୂର ପର୍ୟ୍ୟନ୍ତ ନିରବତା ରାଜୁତି କରୁଥିବା ବେଳେ କାଁ ଭାଁ ଗାଡି ମଟରର ଶବ୍ଦ ରାତିର ନିସ୍ତବ୍ଦତାକୁ ଚିରି ପକାଉଛି । ତେବେ ବଡଦାଣ୍ଡରେ ନୂଆ କରି ଲାଗିଥିବା ଗଛ ଦିନରେ ଯେତିକି ସୁନ୍ଦର ଦିଶନ୍ତି ରାତିରେ ସେତିକି ଗମ୍ଭୀର ହୋଇପଡନ୍ତି । ମୁଣ୍ଡ ଟେକି ମନ୍ଦିରକୁ ଚାହିଁଥିବା ଫୁଲଗଛ ସବୁ ବଡ ଗଛର ପତର ଫାଙ୍କରୁ ପ୍ରଭୁଙ୍କୁ ଦେଖନ୍ତି, ବଡ ଦେଉଳର ପତିତ ପାବନକୁ ହାତଟେକି ଦର୍ଶନ କରନ୍ତିଟ୍ଟ
ରାତି ଯେତିକି ସରି ସରି ଆସେ ଶ୍ରୀକ୍ଷେତ୍ରକୁ ସଜାଇବାକୁ ସେତିକି ସେତିକି କସରତ ଆରମ୍ଭ ହୁଏ । ବଡି ଭୋରରୁ ବଡଦାଣ୍ଡରେ ସଫେଇ କାମ ଆରମ୍ଭ ହେବା ସହ ଜଗା ଦର୍ଶନ ପାଇଁ ବଡଦାଣ୍ଡରେ ଜାକିଜୁକି ଶୋଇଥିବା ଭକ୍ତ ବି ଉଠିପଡେ । ଆଉ ଫୁଲଧରି ସିଙ୍ଘଦ୍ୱାର ସାମ୍ନାରେ ହାଜର ହୋଇଯାଏଟ୍ଟବାସ୍ ତାପରେ ସରିଯାଏ ରାତି, ଉଇଁଯାଏ ସକାଳ ।