(ବିଜୟ କୁମାର କାରୁଆ /ଘଟଗାଁ)ରିପୋର୍ଟସଟୁଡେ: କେନ୍ଦୁଝର ଜିଲ୍ଲା ପାଟଣାରେ ଏକ ଡିଜେ ଗାଡି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ ଦୁଇଜଣଙ୍କର ମୃତ୍ୟୁହୋଇଥିବାବେଳେ ୪ଜଣ ଗୁରୁତର ଆହତ ହୋଇଛନ୍ତି । ମୃତକ ହେଉଛନ୍ତି ଚକ୍ରଧର ଶୁଣ୍ଢି ଓ ଗୁରୁତରମାନେ ହେଉଛନ୍ତି ବୁଦ୍ଧିଆ ସାମାଡ , ସାମୁ ବାନ୍ଦ୍ରା , ଶିରିସ ଗାଗରାଇ , ରଘୁନାଥ ଲୋହାର ।
ସୂଚନା ଅନୁଯାୟୀ ଆନନ୍ଦପୁରର ପଣସଗଡ଼ିଆ ଗାଁରୁ ବିବାହ ପାଇଁ ନୂଆଗାଁ ଗ୍ରାମକୁ ବରଯାତ୍ରୀ ସହ ଏକ ପିକ୍ଅପ୍ ଭ୍ୟାନରେ ଡିଜେ ସାଉଣ୍ଡ ଆସିଥିଲା । ବିବାହ ସାରି ଫେରୁଥିବା ସମୟରେ ଏରେଣ୍ଡେଇ ବାଙ୍କ ନିକଟରେ ପିକ୍ଅପ୍ ଭ୍ୟାନଟି ଭାରସାମ୍ୟ ହରାଇ ରାସ୍ତା କଡରେ ଥିବା ବିଲ ଭିତରକୁ ଓଲଟି ପଡିଥିଲା । ଫଳରେ ଗାଡି ତଳେ ଚାପି ହୋଇ ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଗୁରୁତର ହୋଇଛନ୍ତି । ସମସ୍ତେ ପଣସଗଡ଼ିଆ ଗ୍ରାମର ବୋଲି ଜଣାପଡିଛି।
ଖବର ପାଇ ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ସମସ୍ତ ଗୁରୁତରଙ୍କୁ ଉଦ୍ଧାର କରି ପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।
