ଗଞ୍ଜାମ/ ରଜନୀକାନ୍ତ ପାତ୍ର : ଦିଗପହଣ୍ଡି ଡେଙ୍ଗାଉସ୍ତା ମୁଖ୍ୟ ରାସ୍ତା ଜାତୀୟ ରାଜପଥ ୩୨୬ ଛଣମେରି ଅଦର୍ଶବିଦ୍ୟାଳୟ ନିକଟରେ ଏକ ଅଟୋରୁ ପାଟପୁର ପୋଲିସ ୧୩୬ କେଜି ଗଞ୍ଜେଇ ଜବତ କରିଛି । ଏଥିସହ ଅଟୋ ଡ୍ରାଇଭର ସହ ଜଣେ ମହିଳାଙ୍କୁ ପୋଲିସ ଗିରଫ କରିଛି । ଦିଗପହଣ୍ଡି ଡେଙ୍ଗାଉସ୍ତା ମୁଖ୍ୟ ରାସ୍ତା ଜାତୀୟ ରାଜପଥ ୩୨୬ ଛଣମେରି ଅଦର୍ଶବିଦ୍ୟାଳୟ ନିକଟରେ ପାଟପୁର ପୋଲିସ ମଙ୍ଗଳବାର ସକାଳେ ପାଟ୍ରୋଲିଂ କରୁଥିଲା । ଏହି ସମୟରେ ଉକ୍ତ ରାସ୍ତାରେ ଏକ ଅଟୋ ଯାଉଥିବା ବେଳେ ପୋଲିସ ସନ୍ଦେହ କରି ଗାଡିକୁ ଅଟକାଇଥିଲା । ଅଟୋକୁ ଯାଞ୍ଚ ବେଳେ ସେଥିରେ ଗଞ୍ଜେଇ ଥିବା ଜଣାପଡିଥିଲା । ଦିଗପହଣ୍ଡି ଅତିରିକ୍ତ ତହସିଲଦାର ରମେଶ ବେହେରା ଙ୍କ ଉପସ୍ଥିତ ରେ ଜବତ ଗଂଜେଇ କୁ ଓଜନ କରାଯାଇଥିଲା। ଯାହାକି ୧୩୬ କେଜି ୧୦୦ ହୋଇଥିଲା । ଗଞ୍ଜେଇ ସହ ଅଟୋ ( ନଂଓଡ଼ି୦୭-ଏଏ୯୭୬୧) କୁ ପୋଲିସ ଜବତ କରିଥିଲା । ଏଥିସହ ଅଟୋ ଚାଳକ ପି ଦ୍ରୋଣ ଦୋରା ଓରଫ ଭିକାରୀ , ମହାରାଷ୍ଟ୍ର ର ଅମ୍ବିକା ବାଇ ନାଭାନାଥଙ୍କୁ ପୋଲିସ ଗିରଫ କରିଛି । ପି ଦ୍ରୋଣ ଦୋରା ସାନଖେମୁଣ୍ଡି ବ୍ଲକ କଂସାମାରି ପଞ୍ଚାୟତ ୯ ନମ୍ବର ୱାର୍ଡ ର ୱାର୍ଡ ସଭ୍ୟ ଥିବା ଜଣା ପଡ଼ିଛି । ଗଜପତି ଜିଲ୍ଲାର ଦୁର୍ଗମ ଅଞ୍ଚଳରୁ ବ୍ରହ୍ମପୁର ଗଂଜେଇ ଅଟୋ ଯୋଗେ ଚାଲାଣ ହେଉଥିଲା ବୋଲି ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲ ସୂଚନା ଦେଇଛନ୍ତି ।
