(ଶିଳାସ୍ମିତା ରାୟ) ଭୁବନେଶ୍ୱର: ଜଣେ ପ୍ରଥମ ଶ୍ରେଣୀ ଛାତ୍ରୀକୁ ତା ସ୍କୁଲ୍ର ୩ ଜଣ ଛାତ୍ର ଗଣ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଛତିଶଗଡ଼ର ରାୟପୁରଠାରେ ଥିବା ଏକ ସ୍କୁଲ୍ରେ ଏପରି ଅଘଟଣ ଘଟିଯାଇଛି । ଏଥିନେଇ ଥାନାରେ ଅଭିଯୋଗ ହୋଇଛି । ଅଗଷ୍ଟ ୨୦ ତାରିଖରେ ଏହା ଘଟିଥିବା ସୂଚନା ରହିଛି। ଗୁରୁବାର ରାତିରେ ପୀଡ଼ିତା ନାବାଳିକାର ବାପାମାଆ ପୁଲିସ୍ରେ ଅଭିଯୋଗ କରିଛନ୍ତି ।
ନବାଳିକାର ବୟାନ ଅନୁଯାୟୀ, ୧୦ ବର୍ଷର ୩ ଜଣ ଛାତ୍ର ପୀଡିତାକୁ ଟେକିନେଇ ଗାଧୁଆଘରକୁ ଯାଇଥିଲେ । ସେଠାରେ ଦୁଇଜଣ ଦୁଷ୍କର୍ମ କରିଥିବା ବେଳେ ଜଣେ ବାହାରେ ଜଗି ରହିଥିଲା । ସ୍କୁଲ୍ର ଜଣେ ମହିଳା ଶିକ୍ଷୟିତ୍ରୀଙ୍କ ନଜରକୁ ଏହା ଆସିବା ପରେ ସେ ସମସ୍ତଙ୍କୁ ପ୍ରିନ୍ସିପାଲ୍ ଅଫିସ୍କୁ ନେଇ ଯାଇଥିଲେ। ପରେ ପୀଡ଼ିତା ନାବାଳିକାକୁ ଘରକୁ ପଠାଇ ଦେଇଥିଲେ। ପ୍ରଥମେ ସ୍କୁଲ୍ରେ ଉକ୍ତ ଛାତ୍ରମାନଙ୍କ ବିରୋଧରେ ଅଭିଯୋଗ ହୋଇଥିଲେ ମଧ୍ୟ କୌଣସି କାର୍ୟ୍ୟାନୁଷ୍ଠାନ ଗ୍ରହଣ କରାଯାଇ ନ ଥିଲା । ତେଣୁ ପୁଲିସରେ ଅଭିଯୋଗ ହୋଇଛି ।
