ଋିପୋର୍ଟରସ ଟୁଡେ, (ସୋମ୍ୟାଶ୍ରୀ ମହାନ୍ତି): ମହାରାଷ୍ଟ୍ରର ଭିଓଣ୍ଡିର ଶାନ୍ତିନଗରରେ ଏକ ମହଲା କୋଠା ଭୁଷୁଡି ଯିବାରୁ ୨ଜଣଙ୍କର ମୃତ୍ୟୁ ହୋଇଛି । ଏହାସହ ଘଟଣାସ୍ଥଳରୁ ୫ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯିବା ସହ, ଆହୁରି ୫ଜଣ ଲୋକ ଭଙ୍ଗା କୋଠା ତଳେ ଚାପି ହୋଇ ରହିଛନ୍ତି । ଉଦ୍ଧାର ୫ଜଣଙ୍କ ମଧ୍ୟରୁ ୪ଜଣ ଗୁରୁତର ଆହତ ହେବାରୁ ସେମାନଙ୍କୁ ଆଇଜିଏମ ମେଡିକାଲରେ ଭର୍ତ୍ତି କରାଯାଇଛି । ଘଟଣା ଅନୁସାରେ, ଗତକାଲି ରାତିରେ କୋଠାର କଲମରେ ଫାଟ ସୃଷ୍ଟି ହୋଇଥିଲା । ଏହାକୁ ଦେଖିବା ମାତ୍ରେ ତୁରନ୍ତ ୨୨ ପରିବାର କୋଠା ଖାଲି କରି ଦେଇଥିବା ବେଳେ ଆଉ କିଛି ରହି ଯାଇଥିଲେ । ବିଳମ୍ବିତ ରାତିରେ ହଠାତ କୋଠାଟି ଭୁଷୁଡି ପଡିଥିଲା । ଖବର ପାଇ ଘଟଣାସ୍ଥଳରେ ପୋଲିସ ସହିତ ଦମକଳ ବାହିନୀ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଅନ୍ୟପଟେ ଭୁଷୁଡି ଥିବା କୋଠାଟି ବେଆଇନ ଭାବେ ତିଆରି ହୋଇଥିବା ନେଇ ଭିଓଣ୍ଡି ନିଜାମପୁର ମ୍ୟୁନିସିପାଲଟି ଅଧିକାରୀ ଅଶୋକ ରଣଖମ୍ବ କହିଛନ୍ତି ।
