ଭୁବନେଶ୍ୱର : ବନ୍ଦ କୋଠରୀରୁ ୨ ମୃତ ଦେହ ଠାବ| ବାଲିଅନ୍ତା ଥାନା ଅଧିନ ବଇଁଚୁଆ କାଜ ନିକଟ ଏକ ବନ୍ଦ କୋଠରୀରେ ୨ ଜଣ ବ୍ୟକ୍ତିଙ୍କ ମୃତ ଦେହ ପଡି ରହିଛି | କେଉଁ ପରିସ୍ଥିତି ରେ ୨ ଜଣଙ୍କ ମୃତ୍ୟୁ ହୋଇଛି ଏଯାଏଁ ସ୍ପଷ୍ଟ ହଇନାହିଁ | ସନ୍ଦେହ ଜନକ ଅବସ୍ଥାରେ ମୃତ ଦେହ ଠାବ । ବାଲିଅନ୍ତା ଥାନା ଭିଙ୍ଗାରପୁର କାଜ ନିକଟରେ ଥିବା ମଇଁଷି ଫାର୍ମରୁ ମୃତ ଦେହ ମିଳିଛି । ୨ ମୃତକ ମଇଁଷି ଫାର୍ମର କର୍ମଚାରୀ ବୋଲି ଜଣାପଡ଼ିଛି ।
ମୃତକ ହେଉଛନ୍ତି ସୁଶାନ୍ତ ଦାସ ଏବଂ ଜଗବନ୍ଧୁ ବେହେରା । ରାତ୍ରି ପ୍ରାୟ ୧.୪୦ର ଉଭୟ ତାଙ୍କ ମାଲିକ ଅନ୍ତର୍ଯ୍ୟାମୀ ଦାସଙ୍କ ନିକଟକୁ ଫୋନ୍ କରିଥିଲେ । ମାତ୍ର ସେ ଫୋନ ରିସିଭ୍ କରି ପାରି ନଥିଲେ । ଆଜି ସକାଳୁ ଅନ୍ତର୍ଯ୍ୟାମୀ ନିଜ ଫାର୍ମକୁ ଆସିବ ପରେ କର୍ମଚାରୀ କବାଟ ଖୋଲି ନ ଥିଲେ । କବାଟ ଭାଙ୍ଗିବା ପରେ ୨ ମୃତ ଦେହ ପଡିଥିବା ଦେଖାଯାଇଥିଲା । ତେବେ କିପରି ୨ କର୍ମଚାରୀଙ୍କର ମୃତ୍ୟୁ ହୋଇଛି ତାହା ଜଣାପଡ଼ି ନାହିଁ ।
ଖବର ପାଇ ବାଲିଅନ୍ତା ଥାନା ପୁଲିସ ଘଟଣା ସ୍ଥଳରେ ପହଁଞ୍ଚିଛି | ପୁଲିସ ମୃତ ଦେହ ଜଵତ କରିଛି | ସାଇଣ୍ଟିଫିକ ଟିମକୁ ଖବର ଦିଆ ଯାଇଛି | ସାଇଣ୍ଟିଫିକ ଟିମ ଏବଂ ପୁଲିସ ମିଳିତ ତଦନ୍ତ ହେବ ବୋଲି ଜଣାପଡିଛି |