ଟାଙ୍ଗି / ରାକେଶ କୁମାର ଜଗଦେବ : ମଦ ମାଫିଆ ମାନଙ୍କୁ ସାବାଡ କରିବା ପାଇଁ ଅଣ୍ଟା ଭିଡିଛି ଟାଙ୍ଗୀ ଅବକାରୀ ପୋଲିସ୍ । ଗୋଟିଏ ଦିନରେ ମାରାଥନ୍ ରେଡ୍ କରି ୩ ଜଣ ମଦ ବେପାରୀଙ୍କୁ ଗିରଫ କରିଛି । କାଳୁପଡା ଘାଟ ଅଂଚଳରେ ମଦ ବିକ୍ରି କରିବା ପାଇଁ ଯାଉଥିବା ବେଳେ ଟାଙ୍ଗୀ ମେଡିକାଲ ଛକ ନିକଟରେ ଚଢାଉ କରି କାଳୁପଡା ଘାଟର ମଦ ବ୍ୟବସାୟୀ କୈଳାସ କୁମାର ନାୟକଙ୍କୁ ଗିରଫ କରଛି । ତା ନିକଟରୁ ୧୨ ଲିଟର ରନ୍ଧା ଦେଶୀ ମଦ ଜବତ କରଛି । ଏହା ସହ ୧୬ ନଂ ଜାତୀୟ ରାଜପଥ ଚଣ୍ଡେଶ୍ୱର ନିକଟରେ ଚଢାଉ କରି ଅକ୍ଷୟ କୁମାର ରାଉତକୁ ଗିରଫ କରି ୫ ଲିଟର ଆସ୍କା ୪୦ ମଦ ଜବତ କରିଛି । ଏହା ସହ ଓଳ ସିଂ ଗାଁ ଛକ ନିକଟରେ ଚଢାଉ କରି ରାଜୁ ଭୋଇକୁ ଗିରଫ କରି ତା ନିକଟରୁ ୫ ଲିଟର ଆସ୍କା ୪୦ ମଦ ଜବତ କରିଛି ଅବକାରୀ ପୋଲିସ୍ । ତେବେ ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରିଛି ଅବକାରୀ ପୋଲିସ୍ । ଅବକାରୀ ଇନସପେକ୍ଟର ଆଲୋକ କୁମାର ପ୍ରଧାନଙ୍କ ଏଭଳି ମାରାଥନ ରେଡ୍ ଫଳରେ ମଦ ମାଫିଆ ମାନଙ୍କ ମଧ୍ୟ୍ୟରେ ପଶିଛି ଛନକା ।
