ଜାମ୍ମୁକାଶ୍ମୀର: ଜମ୍ମୁର ଅଖନୁର ଅଞ୍ଚଳରେ ସୁରକ୍ଷାବାହିନୀଙ୍କ ଗୁଳିରେ ୩ ଆତଙ୍କବାଦୀଙ୍କୁ ନିପାତ । ସେନାର ଗାଡ଼ି ଉପରକୁ ଆକ୍ରମଣ ପରେ ସୁରକ୍ଷାବାହିନୀ ଏହି ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏଥିରେ ୩ ଆତଙ୍କବାଦୀ ନିହତ ହୋଇଛନ୍ତି । ନିହତ ଆତଙ୍କବାଦୀଙ୍କ ନିକଟରୁ ବିପୁଳ ଅସ୍ତ୍ରଶସ୍ତ୍ର, ଗୁଳି ଏବଂ ବିସ୍ଫୋରଣ ସାମଗ୍ରୀ ମିଳିଛି । ସେନାର ସର୍ଚ୍ଚ ଅପରେସନ ଏବେ ମଧ୍ୟ ଜାରି ରହିଛି ।
ଏହାପୂର୍ବରୁ ଆତଙ୍କବାଦୀମାନେ ସେନାର ଏକ ଆମ୍ବୁଲାନ୍ସ ଉପରକୁ ସକାଳେ ଫାୟାରିଂ କରିଥିଲେ । ଜୋଗବାନ ଏରିଆରେ ଏହି ଘଟଣା ଘଟିଥିଲା । ଫଟୋ ଏବଂ ଭିଡିଓରେ ଗାଡ଼ି ଉପରେ ଗୁଳି ଚିହ୍ନ ଦେଖାଯାଇଥିଲା । ଆତଙ୍କୀ ଆକ୍ରମଣ ପରେ ଏଠାରେ ବଡ଼ ଧରଣର ସର୍ଚ୍ଚ ଅପରେସନ ଆରମ୍ଭ କରାଯାଇଛି ।
