କଳାହାଣ୍ଟି/କାହ୍ନୁ ଚରଣ ସାହୁ : କଳାହାଣ୍ଡି ଜିଲ୍ଲା ମଦନପୁର ରାମପୁରରୁ ଜବତ ହୋଇଛି ୩୩ ପକେଟ ଗଞ୍ଜେଇ । ପିକଅପ ଭ୍ୟାନ ସହ ୩୩ପକେଟ ଗଞ୍ଜେଇ ଜବତ କଲା କେସିଙ୍ଗା ପୋଲିସ । ମଦନପୁର ରାମପୁର ଅଞ୍ଚଳରୁ ଛତିଶଗଡ କୁ ଚାଲଣ ହେଉଥିବା କୁହାଯାଉଛି ।
ସୂଚନା ଅନୁଯାୟୀ, କେସିଙ୍ଗା ପୋଲିସ କୌଣସି ସୂତ୍ରରୁ ଖବର ପାଇ ଛକାରେ ଜାଞ୍ଚ କରିଥିଲା । ସେହି ସମୟରେ ଏକ ପିକଅପ ଭ୍ୟାନକୁ ଜବତ କରିଥିଲା । ସେହି ଭ୍ୟାନର ଏକ ସ୍ବତନ୍ତ୍ର ଚାମ୍ବରରେ ଏହି ୩୩ ପକେଟ ଚୋରା ଗଞ୍ଜେଇ ଚାଲାଣ ହେଉଥିଲା। ସନ୍ଦେହ ହେବାରୁ କଟର ସାହାଯ୍ୟରେ ଚାମ୍ବରକୁ କାଟିବାରୁ ଚୋରା ଗଞ୍ଜେଇ ମିଳିଥିଲା । ଯାହାର ପରିମାଣ ୫୦- ୬୦ କେଜି ହୋଇପାରେ । ତେବେ ପୋଲିସ ଭ୍ୟାନ ଚାଳକକୁ ଅଟକ ରଖି ପଚରାଉଚରା କରୁଛି । ଏନେଇ ଘଟଣାସ୍ଥଳରେ କେସିଙ୍ଗା ଥାନା ଆଇ ଆଇସି ସତ୍ୟକୁମାର ନନ୍ଦ ଏବଂ ପୁଲିସ ଟିମ୍ ତଦନ୍ତ କରୁଛନ୍ତି ।