ବାଲିପାଟଣା / ବିଦ୍ୟା ଭୂଷଣ ଭୋଳ: ବୋଝ ଉପରେ ନଳିତା ବିଡା ସଦୃଷ। ଦଇବ ସାଜିଲା ଦାଉ। ଯେତେବେଳ ଗୋଟେ ଗରିବ ମଣିଷ ତାର ମୁଣ୍ଡ ଝାଳ ତୁଣ୍ଡରେ ମାରି ତାର ପ୍ରାପ୍ତ ବୟସରେ କିଛି ରୋଜଗାର କରି ତାର ପରିବାର ଭରଣ ପୋଷଣ କରେ ଆଜି ତାର ସେଇ , ଚାଳ ଛପର ଘର ପୋଡ଼ି ଯାଇ ମାଟିରେ ମିଶି ଯାଇଛି । ଏପରି ଏକ ଦୁଃଖଦ ଘଟଣା ଘଟିଯାଇଛି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଲିପାଟଣା ବ୍ଲକ ର ରାଜସ ଗ୍ରାମରେ!! ଏଇ ଘଟଣା ବହୁତ୍ ଦୁଃଖର ବିଷୟ ଅଟେ । ନିଆଁ ଲାଗିବା ପରେ ଘରେ ଥିବା ସମସ୍ତ ଆସବବପତ୍ର ଓ ଖାଦ୍ୟସାମଗ୍ରୀ ସବୁ ଜଳିପୋଡି ପାଉଁଶ ହୋଇଯାଇଛି । ନିଆଁ ଲାଗିବା ର କିଛି ସମୟ ପରେ ଅଗ୍ନିଶମ ଗାଡି ଘଟଣା ସ୍ଥଳରେ ପହଞ୍ଚିଥିଲା ସତ ହେଲେ, ସେତେବେଳକୁ ସବୁ ସରିଯାଇଥିଲା। ଘର ସର୍ଟସର୍କିଟ ରୁ ନିଆଁ ଲାଗିଥିବା ସନ୍ଦେହ ହଉଚି ।ଦୁଇଟି ଗାଈ,ଗୋଟିଏ ବାଛୁରୀ,ସମ୍ପୂର୍ଣ୍ଣ ପୋଡି ମରି ଯାଇଥିବା ବେଳେ ଆଉ ଦୁଇଟି ଗାଈ ଓ ବାଛୁରୀ ଅର୍ଦ୍ଧଦଗ୍ଧ ଅବସ୍ଥାରେ!! ଏବେ ତାଙ୍କ ପରିବାର ବେସାହାରା ହେଇପଡ଼ିଛି। ସରକାର ଙ୍କ ତରଫରୁ ଯଦି କିଛି ସାହାଯ୍ୟ ମିଳନ୍ତା ତେବେ ସେ ପୁଣି ଏକ ନୁଆ ଜୀବନ ଆରମ୍ଭ କରିପାରନ୍ତେ ବୋଲି ତାଙ୍କ ପରିବାର ଓ ଗ୍ରାମବାସୀ ମତ ପ୍ରକାଶ କରିଛନ୍ତି।
