ଗଞ୍ଜାମ/ ରଜନୀକାନ୍ତ ପାତ୍ର: ଆଗକୁ ପାର୍ବଣ ଋତୁ ଆସୁଥିବା ବେଳେ ଜୁଆଡି ମାନଙ୍କୁ ସାବାଡ କରିବାକୁ ହିଞ୍ଜିଳି ପୋଲିସ ସଜାଗ ହେବାକୁ ଲାଗିଲାଣି। ଆଜି ହିଞ୍ଜିଳି ଥାନା ଅନ୍ତର୍ଗତ ଘୋଡେ଼ଇଶୁଣି ମନ୍ଦିର ନିକଟରେ ଜୁଆ ଖେଳ ଚାଲୁଥିବା ସମୟରେ ହିଞ୍ଜିଳି ପୋଲିସ ଖବର ପାଇ ହିଞ୍ଜିଳି ଥାନା ଅଧିକାରୀ ଅଭିମନ୍ୟୁ ଦାସଙ୍କ ନେତୃତ୍ବରେ ଏକ ଟିମ୍ ଜୁଆ ଆଡ୍ଡା ଉପରେ ଚଢ଼ଉ କରିଥିଲା । ଚଢ଼ାଉ ସମୟ ୫ ଜୁଆଡିଙ୍କୁ ହିଞ୍ଜିଳି ପୋଲିସ ଗିରଫ କରିବା ସହିତ ସେମାନଙ୍କ ନିକଟରୁ ନଗଦ ୧ଲକ୍ଷ ୨୯ହଜାର ଟଙ୍କା ଓ ୫ଟି ମୋବାଇଲ୍ ଫୋନ୍ ଜବତ କରିଥିବା ହିଞ୍ଜିଳି ଥାନା ଅଧିକାରୀ ଅଭିମନ୍ୟୁ ଦାସ ସୂଚନା ଦେଇଛନ୍ତି।
