ଭୁବନେଶ୍ୱର: ଆଜିଠାରୁ ଆରମ୍ଭ ହୋଇଛି ବିଧାନସଭା ର ବଜେଟ ଅଧିବେଶନ । ପ୍ରଫେସର ଗଣେସି ଲାଲ ଙ୍କ ଅଭିଭାଷଣ ରୁ ଆରମ୍ବ ହୋଇଛି ଅଧିବେଶନ । ନିଜ ଅଭିଭାଷଣ ରେ ରାଜ୍ୟପାଳ କହିଛନ୍ତି ମୋ ସରକାର ଉଭୟ ଜାତୀୟ ଓ ଅନ୍ତର୍ଜାତୀୟ ସ୍ତରରେ ନିଜର ସଠିକ ନିରୂପିତ ସ୍ଥାନରେ ରହିଥିବା ଏକ ଆକାଂକ୍ଷୀତ, ସଶକ୍ତ ଏବଂ ଚଳଚଞ୍ଚଳ ଓଡ଼ିଶା ନିର୍ମାଣ ର ଅଭିଳାଷ କୁ ସଦାସର୍ବଦା ସର୍ବୋଚ୍ଚ ପ୍ରାଥମିକତା ଦେଇ ଆସୁଛନ୍ତି । ବିଭିନ୍ନ ଲୋକାଭିମୁଖୀ କାର୍ୟ୍ୟ ପାଇଁ ମିଳିଥିବା ଅକୁଣ୍ଠ ଜନ ସହଯୋଗ ଓ ସମର୍ଥନ ଲାଭ କରି ଓଡ଼ିଶା ଏବେ ଏକ ରୂପାନ୍ତରିତ ଅଭିବୃଦ୍ଧି ପଥରେ ଅଗ୍ରସର ହେଉଛି । କ୍ରମାଗତ ଭାବେ ପୁରୁଷ ହକି ବିଶ୍ୱକପ ର ଦୁଇଟି ସଂସ୍କରଣ କୁ ସଫଳତାର ସହ ଆୟୋଜନ କରିବା ସହିତ ରେକର୍ଡ ୧୫ ମାସ ମଧ୍ୟରେ ସର୍ବ ବୃହତ ହକି ଷ୍ଟାଡିୟମ ନିର୍ମାଣ କରିଛନ୍ତି । ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଏବେ ଓଡିଶାବାସୀଙ୍କୁ ସାର୍ବଜନୀନ ସ୍ୱାସ୍ଥ୍ୟ ସୁବିଧା ପ୍ରଦାନ କରୁଛି। 5T ଏବଂ ମୋ ସରକାର ବୃତ୍ତିଗତ ଶାସନ ବ୍ୟବସ୍ଥା କୁ ସୁଦୃଢ଼ କରିଛି । ବିପର୍ୟୟ ପରିଚାଳନା, ମହିଳା ସଶକ୍ତିକରଣ, ଖାଦ୍ୟ ସୁରକ୍ଷା, ବିଦ୍ୟାଳୟ ରୂପାନ୍ତରଣ କ୍ଷେତ୍ର ରେ ପ୍ରଶାସନିକ ମାନଦଣ୍ଡ ସ୍ଥାପନ କରିବାରେ ସକ୍ଷମ ହୋଇଛନ୍ତି । ଏଥିସହ ମୋ ସରକାର କୁ ଭୁୟସି ପ୍ରଶଂସା କରିଛନ୍ତି ରାଜ୍ୟପାଳ ।
