ତେଲେଙ୍ଗାନା : ବିବିନଗରରେ ଘଟିଛି ରେଳ ଦୁର୍ଘଟଣା । ଆନ୍ଧ୍ରପ୍ରଦେଶର ବିଶାଖାପାଟଣାରୁ ତେଲେଙ୍ଗାନାର ସିକନ୍ଦରାବାଦ ଯାଉଥିବା ଗୋଦାବରୀ ଏକ୍ସପ୍ରେସର ୬ଟି ବଗି ଲାଇନଚ୍ୟୁତ ହୋଇଛି। ସୂଚନା ଅନୂଯାୟୀ ତେଲେଙ୍ଗାନାର ସିକନ୍ଦରାବାଦ ଯାଉଥିବା ଗୋଦାବରୀ ଏକ୍ସପ୍ରେସର ଲାଇନଚ୍ୟୁତ ହୋଇଛି । ହେଲେ ଦୁର୍ଘଟଣାରେ କୌଣସି ବ୍ୟକ୍ତି ବିଶେଷଙ୍କର କିଛି କ୍ଷତି ହୋଇ ନଥିବା ପ୍ରାଥମିକ ତଦନ୍ତରୁ ଜଣା ପଡିଛି । ଦକ୍ଷିଣ ମଧ୍ୟ ରେଲୱେର ଅଧିକାରୀ କେଉଁ କାରଣରୁ ଦୁର୍ଘଟଣା ଘଟିଛି, ସେନେଇ ତଦନ୍ତ ଜାରି ରଖିଛନ୍ତି। ରିପୋର୍ଟ ଅନୁଯାୟୀ, ବିବିନଗର ଘାଟକେସର ମଧ୍ୟରେ ଗୋଦାବରୀ ଏକ୍ସପ୍ରେସ ରେଳ ଧାରଣାରୁ ଲାଇନଚ୍ୟୁତ ହୋଇଥିଲା। ଅଧିକାରୀଙ୍କ କହିବାନୁଯାୟୀ, ଟ୍ରେନର କୋଚ୍ ଏସ୧ ରୁ ଏସ୪,ଜିଏସ ଓ ଏସଏଲଆର ଧାରଣାରୁ ଖସିଥିଲେ। ଟ୍ରେନର ଯେଉଁ ବଗି ଲାଇଚ୍ୟୁତ ହୋଇ ନଥିଲା, ତାହାକୁ ଅଲଗା କରି ପଠାଯାଇଥିଲା। ଦକ୍ଷିଣ-ମଧ୍ୟ ରେଲୱେ ଯାତ୍ରୀମାନଙ୍କ ସହ ଜଡିତ ତଥ୍ୟ ପାଇଁ ସହାୟତା ନମ୍ବର ୦୪୦୨୭୭୮୬୬୬୬ ଜାରି କରିଛି ।
