ବାଲିଗୁଡ଼ା / ବନବାସୀ ପ୍ରଧାନ : ବାଲିଗୁଡା ଉପଖଣ୍ଡ ବିଜୁପଟ୍ଟନାୟକ ମିନି ଷ୍ଟାଡିୟମ ଠାରେ ୭୭ତମ ସ୍ବାଧୀନତା ଦିବସ ପାଳିତ ହୋଇଯାଇଛି । ଏହି ସ୍ବାଧୀନତା ଦିବସ ଅବସରରେ ବାଲିଗୁଡ଼ା ଅଂଚଳର ସରକାରୀ ଓ ବେସରକାରୀ ବିଶ୍ବବିଦ୍ୟାଳୟ ରୁ ୩୦ ଗୋଟି ଦଳ ଅଂଶଗ୍ରହଣ କରି ପ୍ୟାରେଡ କରିଥିବା ଦେଖିବାକୁ ମିଳିଥିଲା । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ବାଲିଗୁଡ଼ା ଉପଜିଲ୍ଲାପାଳ ଏମ ମଧୁମିତା ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହିତ ପ୍ୟାରଡରେ ଅଭିବାଦନ ଗ୍ରହଣ କରିଥିଲେ । ସମ୍ମାନୀୟ ଅତିଥି ଭାବରେ ବାଲିଗୁଡା ଏସଡିପିଓ ୟସ୍ ପ୍ରତାପ ଶର୍ମିଲାଓ ,ଉପଖଣ୍ଡ ସୂଚନା ଅଧିକାରୀ ପ୍ରହଲ୍ଲାଦ ଖସଲା, ଏନ୍ଏସି ଚେୟାରମ୍ୟାନ ଗୋବିନ୍ଦ ପ୍ରଧାନ,ବିଲିଗୁଡା ବିଜେଡି ବ୍ଳକ ସଭାପତି ଟୁନାଦାସ, ବରିଷ୍ଠ ଆଇନଜୀବୀ କୈଶିକ ସାହୁ ପ୍ରମୁଖ ଯୋଗଦେଇଥିଲେ। ସାମ୍ବାଦିକ ମାନଙ୍କ ପକ୍ଷରୁ ପିଡ୍ଳଡି ଛକ ଠାରେ ପତକା ଉତୋଳନ କରାଯାଇଥିଲା । ଏଥିରେ ମୁଖ୍ୟଅତିଥି ଭାବରେ ସାମ୍ବାଦିକ ଅଶିତ କୁମାର ବେହେରା ଯୋଗଦେଇ ପତାକା ଉତ୍ତୋଳନ କରିବା ସହିତ ଅଭିବାଦନ ଗ୍ରହଣ କରିଥିଲେ । ସେହିପରି ବାଲିଗୁଡ଼ା ଏନ୍ଏସି ତରଫରୁ ଗାନ୍ଧୀଜୀଙ୍କ ପ୍ରତିମୂର୍ତ୍ତି ଓ ନେହୁରୁଙ୍କ ପ୍ରତିମୂର୍ତ୍ତି ରେ ପୁଷ୍ପ ମାଲ୍ୟ ଅର୍ପଣ କରାଯାଇଥିଲା ।
