ଅନୁଗୋଳ/ସୁଧାକର ସାହୁ : ଅନୁଗୋଳର ପିଟିସି ପଡିଆଠାରେ ଆଜି ୭୭ତମ ସ୍ଵାଧୀନତା ଦିବସ ପାଳିତ ହୋଇଯାଇଛି । ଏହି ପବିତ୍ର ଦିବସ ପାଳନ ଅବସରରେ ଅନୁଗୋଳ ପି.ଟି.ସି. ପଡ଼ିଆ ଠାରେ ପୂର୍ବାହ୍ନ ଘ.୯.୧୫ମି. ସମୟରେ ଓଡ଼ିଶାର ମାନ୍ୟବର ଶିଳ୍ପ, ସୁକ୍ଷ୍ମ,କ୍ଷୁଦ୍ର ଓ ମଧ୍ୟମ ଉଦ୍ୟୋଗ, ଶକ୍ତି ମନ୍ତ୍ରୀ ଶ୍ରୀଯୁକ୍ତ ପ୍ରତାପ କେଶରୀ ଦେବ୍ ମୁଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହିତ ସମ୍ମିଳିତ ପ୍ୟାରେଡ୍ରେ ଅଭିବାଦନ ଗ୍ରହଣ କରିଥିଲେ ।
ଉକ୍ତ ଜାତୀୟ ଦିବସ ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ଶ୍ରୀ ସିଦ୍ଧାର୍ଥ ଶଙ୍କର ସ୍ୱାଇଁ ଅନୁଗୋଳ ଜିଲ୍ଲାପାଳ, ଆରକ୍ଷୀ ଅଧିକ୍ଷକ ଶ୍ରୀ ସୁଧାଂଶୁ ଶେଖର ମିଶ୍ରଂ ଯୋଗଦେବା ସହ ପ୍ୟାରେଡରେ ଜିଲ୍ଲାର ୩୯ ଟି ଟିମ୍ ଭାଗନେଇ ଥିଲେ ଏବଂ ପରେ ସ୍କୁଲ ପିଲା ମାନଙ୍କ ଦ୍ଵାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।