କରଞ୍ଜିଆ/ବସନ୍ତ କୁମାର ସୋରେନ : ଦେଶରେ ପାଳନ ହେଉଛି ସ୍ୱାଧୀନତା ଦିବସ ଆଜାଦୀ କା ଅମୃତ ମହୋତ୍ସବ ପାଳନ ଅବସରରେ ଆଜି ୭୭ ତମ ବ୍ଲକ ସ୍ଥରୀୟ ସ୍ବାଧୀନତା ଦିବସ ଠାକୁରମୁଣ୍ଡା ଉଚ୍ଚ ବିଦ୍ୟାଳୟ ପଡିଆରେ ଅନୁଷ୍ଠିତ ହୋଇଯାଇଛି । ଏହି ସମାରୋହରେ ଠାକୁରମୁଣ୍ଡା ବ୍ଲକ ଅଧ୍ୟକ୍ଷା ସରୋଜିନୀ ହେମ୍ବ୍ରମ ମୁଖ୍ୟ ଅତିଥି ଭାବେ ଯୋଗଦେଇ ସକାଳ ୯.୨୭ ମିନିଟ ରେ ଜାତୀୟ ପତାକା ଉତ୍ତୋଳନ କରିବା ସହ ପ୍ୟାରେଡ ର ଅଭିବାଦନ ଗ୍ରହଣ କରିଛନ୍ତି । ଏହି ଅବସରରେ ଅଞ୍ଚଳ ବାସୀଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇବା ସହ ସ୍ବାଧୀନତା ସଂଗ୍ରାମର ମାନଙ୍କ ମନେପକାଇବା ସହ ସ୍ବାଧୀନତା ସଂଗ୍ରାମୀଙ୍କ ଅକ୍ଳାନ୍ତ ପରିଶ୍ରମ ଫଳରେ ୧୯୪୭ ମସିହା ଅଗଷ୍ଟ ୧୫ ତାରିଖ ଆମ ଦେଶ ସ୍ବାଧୀନ ହୋଇଥିଲା।
ଏହି ଅବସରରେ ଦେଶର ଅଖଣ୍ଡତା, ଜାତୀୟତା ଓ ସଂହତିକୁ ସୁରକ୍ଷିତ ରଖିବାକୁ ଆହ୍ବାନ ଦେଇଥିଲେ। ଏଥିରେ ୨୦ରୁ ଅଧିକ ସ୍କୁଲ ର ଛାତ୍ରଛାତ୍ରୀ ପ୍ୟାରେଡ଼ ରେ ଅଂଶ ଗ୍ରହଣ କରିଥିଲେ। ଏହି ଅବସରରେ ଜାତୀୟ ଦିବସ ପାଳନ କମିଟି ସଭାପତି ତଥା ବିଡ଼ିଓ ବାବୁଲୁ ପେରେଇ ସମ୍ମାନୀତ ଅତିଥି ଭାବେ ବ୍ଲକ ଉପାଧ୍ୟକ୍ଷ ସନ୍ତୋଷ ମହାନ୍ତ, ତହସିଲଦାର ସୁଶ୍ରୀ ସୁପ୍ରିୟା, ବିଇଓ ରାମଚନ୍ଦ୍ର ନାଏକ, ଠାକୁରମୁଣ୍ଡା ଅଗ୍ନିଶମ ବିଭାଗ ଅଧିକାରୀ ସୁଶାନ୍ତ କୁମାର ସାହୁ,ସମାଜସେବୀ ବସନ୍ତ କୁମାର ପୈବର୍ତ୍ତି ଓ ସରପଞ୍ଚ ଆଲୋକ ଦଙ୍ଗ ପ୍ରମୁଖ ଯୋଗଦେଇ ଉପସ୍ଥିତ ଥିଲେ। ପରେ ପରେ ସାସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଏବଂ ମିଷ୍ଟାନ୍ନ ବଣ୍ଟନ ହୋଇଥିଲା।