ଗଞ୍ଜାମ; କାରରୁ ମିଳିଲା ୮୮ କେଜିର ରୂପା ସହ ନଗଦ ୫ ଲକ୍ଷରୁ ଅଧିକ ନଗଦ ଟଙ୍କା । ତେବେ ଟୋଲଗେଟ ନିକଟରେ ଯାଞ୍ଚବେଳେ ଧରାପଡିଥିଲା କାର୍ । ଗଞ୍ଜାମ ଖଲ୍ଲିକୋଟରେ ବିପୁଳ ପରିମାଣର ରୂପା ଓ ଟଙ୍କା ଚୋରା ଚାଲାଣ ବେଳେ ଧରପଡିଛି କାର୍ । ୧୬ ନମ୍ବର ଜାତୀୟ ରାଜପଥ ଗୁରୁପଲ୍ଲି ଟୋଲ ଗେଟ୍ ନିକଟରେ ଯାଞ୍ଚବେଳେ ଏକ କାରରୁ ୮୮ କେଜିର ରୁପା ଓ ୫ ଲକ୍ଷରୁ ଅଧିକ ନଗଦ ଟଙ୍କା ଜବତ ହୋଇଛି । ରୁପାର ମୂଲ୍ୟ ୩୨ ଲକ୍ଷରୁ ଅଧିକ ହେବ ବୋଲି ଅନୁମାନ କରାଯାଉଛି । ଖଲ୍ଲିକୋଟ ପୋଲିସ ଚଢ଼ାଉ କରି କାର, ରୁପା ଟଙ୍କା ଜବତ ସହ ୨ଜଣଙ୍କୁ ଅଟକ ରଖିଛି । ତେବେ ଏହା କେଉଁଠୁ ଆସିଲା ତାହା ଏବେ ଯାଏଁ ସ୍ପଷ୍ଟ ହୋଇନାହିଁ ।
