କଟକ: ପରୀକ୍ଷା ଚାଲିଥିବା ବେଳେ ପରୀକ୍ଷା ହଲରେ ଘଟିଲା ଦୁର୍ଘଟଣା । ଆଠଗଡ କଲେଜରେ ଅଳ୍ପକେ ବର୍ତ୍ତିଲେ ୨ ଛାତ୍ର । ପରୀକ୍ଷା ଦେବା ବେଳେ ୨ ଜଣ ଛାତ୍ରଙ୍କ ଉପରେ ଖସି ପଡିଲା ଫ୍ୟାନ । ଫ୍ୟାନ ପଡିବାରୁ ୨ ଜଣ ଛାତ୍ର ଗୁରୁତର ଆହତ ହୋଇଛନ୍ତି । କଟକ ଜିଲ୍ଲା ଗୋପବନ୍ଧୁ ବିଜ୍ଞାନ ମହାବିଦ୍ୟାଳୟରେ ଏହି ଘଟଣା ଘଟିଛି। ଉଭୟଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କ ହେଲେ ସମିର ସେଠୀ ଓ ତାପସ ଜେନା। ଉଭୟ ଛାତ୍ର ଯୁକ୍ତ ଦୁଇ ପ୍ରଥମ ବର୍ଷରେ ପଢୁଛନ୍ତି। ଜଣେ ଛାତ୍ରଙ୍କର ବେକରେ ଆଘାତ ଲାଗିଥିବା ବେଳେ ଅନ୍ୟ ଜଣଙ୍କର କାନ୍ଧରେ ଆଘାତ ଲାଗିଛି । ପରୀକ୍ଷା ଚାଲିଥିବା ବେଳେ କେହି କିଛି ବୁଝିବା ପୁର୍ବରୁ ହଠାତ୍ ଫ୍ୟାନ୍ଟି ୨ଜଣ ଛାତ୍ରଙ୍କ ଉପରେ ଖସି ପଡ଼ିଥିଲା। ଭାଗ୍ୟ ବଶଃତ ଏହି ଦୁର୍ଘଟଣାରେ ଅନ୍ୟ ଛାତ୍ରଙ୍କର କିଛି ହୋଇନଥିବା ଜଣାପଡିଛି । କିପରି ଫ୍ୟାନଟି ଛାତ୍ରଙ୍କ ଉପରେ ପଡ଼ିଲା, ଫ୍ୟାନଟି ପୂର୍ବରୁ ଖରାପ ଥିଲା କି ତାହା ଜଣାପଡ଼ିନାହିଁ। ଏନେଇ କଲେଜ ଅଧ୍ୟକ୍ଷ ପ୍ରତିକ୍ରିୟା ରଖି କହିଛନ୍ତି ଯେ ଫ୍ୟାନଟି ଠିକ୍ ଥିଲା କୌଣସି କାରଣ ବଶଃତ ଖସିପଡିଛି । କଲେଲଜର ସମସ୍ତ ଫ୍ୟାନକୁ ଖୁବ ଶୀଘ୍ର ମରାମତି କରାଯିବ। ଯେଉଁ ଫ୍ୟାନ ଗୁଡ଼ିକ ଖରାପ ହୋଇଯାଇଥିବ ତାକୁ କଢ଼ାଯାଇ ନୂଆ ଫ୍ୟାନ ଲଗାଯିବ । ତେବେ ବିଦ୍ୟାଳୟ କର୍ତ୍ତୁପକ୍ଷଙ୍କ ଦାଇତ୍ୱହୀନତା ପାଇଁ ଏଭଳି ଘଟଣା ଘଟିଥିବା ଅଭିଯୋଗ ହୋଇଛି ।
