ନୂଆଦିଲ୍ଲୀ-: ୪ ମଇ ରାତିରେ ପଞ୍ଜାବର ଗୁରୁଦାସପୁର ଜିଲ୍ଲାରେ ଜଣେ ପାକିସ୍ତାନୀ ନାଗରିକ ଅବୈଧ ଭାବରେ ଭାରତୀୟ ଅଞ୍ଚଳରେ ପ୍ରବେଶ କରୁଥିବା ଦେଖି ସୀମା ସୁରକ୍ଷା ବାହିନୀ (ବିଏସଏଫ) ତାଙ୍କୁ ଗିରଫ କରିଥିଲା । ପାକିସ୍ତାନର ଗୁଜରାନୱାଲା ଜିଲ୍ଲାର ବାସିନ୍ଦା ଏବଂ ମହମ୍ମଦ ଅଜମଲଙ୍କ ପୁଅ ହୁସନାନ୍ ନାମକ ଏହି ଅନୁପ୍ରବେଶକାରୀଙ୍କୁ ସୀମା ସୁରକ୍ଷା ବାଡ଼ ଆଗରେ ଫାଲକୁ ନାଲା ନିକଟରେ ସୀମା ପିଲର ନମ୍ବର ୬୩/ମି ର ଆଲାଇନ୍ମେଣ୍ଟରେ ପ୍ରାୟ ୨୫୦ ମିଟର ଭାରତୀୟ ସୀମା ଭିତରକୁ ଅଟକାଯାଇଥିଲା । ଏହି ସ୍ଥାନଟି ବିଏସଏଫର ସାହାପୁର ଫରୱାର୍ଡ ବର୍ଡର ଆଉଟପୋଷ୍ଟ ଅଧୀନରେ ଅବସ୍ଥିତ ।
ସୂଚନାନୁସାରେ ମେ ୪ ତାରିଖ ରାତି ପ୍ରାୟ ୧୧:୧୦ ସମୟରେ ଯେତେବେଳେ ପିଟିଜେଡ୍ କଣ୍ଟ୍ରୋଲ ରୁମର ଏଚ୍ଆଇଟି ପଏଣ୍ଟ ନମ୍ବର ୦୧ ରେ ନିଯୁକ୍ତ ସିଟି ସନ୍ଦୀପ ଘୋଷ ଅଞ୍ଚଳରେ ସନ୍ଦେହଜନକ ଗତିବିଧି ଦେଖିଥିଲେ । ସେ ତୁରନ୍ତ କମ୍ପାନୀ କମାଣ୍ଡରଙ୍କୁ ସତର୍କ କରାଇଥିଲେ, ଯାହା ପରେ ଏକ କ୍ୱିକ୍ ରିଆକ୍ସନ୍ ଟିମ୍ ଘଟଣାସ୍ଥଳରେ ପହଞ୍ଚିଥିଲେ । ଟିମ୍ ଅଞ୍ଚଳକୁ ଘେରାବନ୍ଦୀ କରି ରାତି ୧୧:୪୫ ସୁଦ୍ଧା ସନ୍ଦିଗ୍ଧ ବ୍ୟକ୍ତିଙ୍କୁ ସଫଳତାର ସହ ଗିରଫ କରିଥିଲା । ପ୍ରାରମ୍ଭିକ ପଚରାଉଚରା ପାଇଁ ମଧ୍ୟରାତ୍ରିରେ ତାଙ୍କୁ ବିଓପି ଦରିଆ ମନସୁରକୁ ଅଣାଯାଇଥିଲା । ଗିରଫ ହେବା ସମୟରେ ତାଙ୍କ ନିକଟରୁ ପାକିସ୍ତାନୀ ଟଙ୍କା ଏବଂ ଏକ ପାକିସ୍ତାନ ଜାତୀୟ ପରିଚୟ ପତ୍ର ଜବତ କରାଯାଇଥିଲା ।