(ଅନୁସ୍ୱୟା)ଭୁବନେଶ୍ୱର: ଆଜି ସକାଳ ୯ଟାରୁ ୧୦ ସମୟ ମଧ୍ୟରେ ଭୁବନେଶ୍ୱର ବରମୁଣ୍ଡା ଓଭରବ୍ରିଜ ଉପରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଖଣ୍ଡଗିରି ଆଡ଼ୁ ବରମୁଣ୍ଡା ଅଭିମୁଖେ ଆସୁଥିବା ଏକ ଅଜଣାଗାଡ଼ି ଧକ୍କାରେ ଦୁଇଜଣଙ୍କ ମୃତ୍ୟୁ ଘଟିଛି । ବାଇକରେ ଯାଉଥିବା ଦମ୍ପତିଙ୍କ ଉପରେ ମାଡ଼ିଯିବା ଫଳରେ ଘଟଣାସ୍ଥଳରେ ପ୍ରାଣ ହରାଇଛନ୍ତି । ମୃତକଙ୍କ ଆଇକାର୍ଡରୁ ପରିଚୟ ମିଳିଥିବାରୁ ସେ ଉପେନ୍ଦ୍ର ନାୟକ ଓ ତାଙ୍କ ପତ୍ନୀ ଲତା ନାୟକ ବୋଲି ଜଣାପଡ଼ିଛି । ମୃତକଙ୍କ ଘର ନୟାଗଡ଼ ଜିଲ୍ଲା ଦଣପଲ୍ଲା ଅଂଚଳରେ । ମୃତ ଉପେନ୍ଦ୍ର ରିଜିଓନାଲ ଇନଷ୍ଟିଚ୍ୟୁଟ ଅଫ୍ ଏଜୁକେସନରେ କାମ କରୁଥିଲେ । ପୋଲିସ ଘଟଣାସ୍ଥଳରେ ପହଁଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ।
