ଗଞ୍ଜାମ/ ରଜନୀକାନ୍ତ ପାତ୍ର : ବ୍ରହ୍ମପୁର ଅବକାରୀ ଥାନାକୁ ମିଳିଛି ସଫଳତା । ଅବକାରୀ ବିଭାଗ ଦ୍ଵାରା ପୃଥକ୍ ପୃଥକ୍ ସ୍ଥାନରେ ଛକି ରହି ୪୫ ଲିଟର ନକଲି ମଦ ଜବତ କରିଥିବା ବେଳେ ଏହି ସଂକ୍ରାନ୍ତରେ ଗୋଟିଏ ବାଇକ୍ ଜବତ ସହ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସୂଚନା ଅନୁଯାୟୀ,ଫାଷ୍ଟ ଗେଟ୍ ଠାରେ ଅବକାରୀ ଥାନା ପକ୍ଷରୁ ଛକି ରହିଥିବା ବେଳେ ଜଣେ ଯୁବକ ଙ୍କୁ କାବୁ କରି ନକଲି ମଦ ସହ ଗୋଟିଏ ବାଇକ୍ କୁ ଜବତ କରିଥିଲେ । ସେହିପରି ବିଜିପୁର ଅଞ୍ଚଳରେ ଅନ୍ୟ ଏକ ଯୁବକଙ୍କୁ ଅଟକ ରଖି ଯାଞ୍ଚ ବେଳେ ମଧ୍ୟ ନକଲି ମଦ ଥିବା ଜଣା ପଡିଥିଲା । ଦୁଇ ଯୁବକ ହେଲେ ଶୁକୁଣ୍ଡା ଗ୍ରାମର ନରସିଂହ ଗୌଡ଼ ଓ ଜଗନ୍ନାଥ ରାଉଳ । ସେମାନଙ୍କ ନିକଟରୁ ମୋଟ ୪୫ ଲିଟର ନକଲି ମଦ ସହ ଲେବଲ ଓ ଠିପି ଜବତ କରାଯାଇଛି । ଦୁଇ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯିବା ନେଇ ଜିଲ୍ଲା ଅବକାରୀ ବିଭାଗ ଏସପି ରମଣେନ୍ଦ୍ର ନାୟକ ସୂଚନା ଦେଇଛନ୍ତି ।
