(ହିଂଜିଳି କାଟୁ /ରଜନୀକାନ୍ତ ପାତ୍ର ) : ଘରର ଛାତ ଭୁଷୁଡ଼ି ଦୁଇ ଶ୍ରମିକ ଅତି ଗୁରୁତର । ଏଭଳି ଘଟଣା ଘଟିଛି ହିଞ୍ଜିଳିକାଟୁ ବ୍ଲକ୍ ଅନ୍ତର୍ଗତ ସାପୁଆପଲ୍ଲୀ ଗ୍ରାମରେ । ସେହି ଗ୍ରାମର ସହଦେବ ଗୌଡ଼ ନାମକ ଜଣେ ଲୋକଙ୍କ ଛାତ ନିର୍ମାଣ କାମରେ ଅନ୍ୟ ମିସ୍ତ୍ରୀ ଓ ମୁଲିଆଙ୍କ ସହ ମିଶି କାମ କରୁଥିଲେ ଖଣ୍ଡରା ଗ୍ରାମର ନାଶୁ ଗୌଡ଼ ଓ ନାରାୟଣ ଗୌଡ଼ । ତଳେ ସେମାନେ ଠିଆ ହୋଇଥିବା ବେଳେ ନିର୍ମାଣଧୀନ ଛାତର ଫଲସ୍ ହଠାତ ଖସି ଯାଇଥିଲା । ଆଉ ସେସବୁ ପଡ଼ି ଯାଇଥିଲା ଏହି ଦୁଇଜଣଙ୍କ ଉପରେ । ଗୁରୁତର ଆହତ ହୋଇଥିଲେ ବି ଦୁଇ ଶ୍ରମିକ ବଡ଼ ବିପଦରୁ ବର୍ତି ଯାଇଥିଲେ । ଉଭୟଙ୍କ ଚିକିତ୍ସା ପାଇଁ ହିଞ୍ଜିଳି ମେଡ଼ିକାଲରେ ଭର୍ତି କରାଯାଇଛି । ସେମାନଙ୍କ ସ୍ୱାସ୍ଥ୍ୟ ଅବସ୍ଥା ଭଲ ଅଛି ବୋଲି ଡାକ୍ତର ପକ୍ଷରୁ କୁହାଯାଇଛି ।
