ଗଞ୍ଜାମ/ରଜନୀକାନ୍ତ ପାତ୍ର: ଗଞ୍ଜାମ ଜିଲ୍ଲା ଆସିକା ଥାନା ଅନ୍ତର୍ଗତ ଗୁଣ୍ଠପୋଡା ଛକରେ ଦୁର୍ଘଟଣା। ମିନିଟ୍ରକ(407) ଧକ୍କାରେ ଜଣେ ସାଇକେଲ ଆରୋହି ମୃତ । ମୃତ ସାଇକେଲ ଆରୋହି ଜଣକ ହେଲେ ଗୁଣ୍ଠପୋଡା ଗ୍ରାମର 40 ବର୍ଷୀୟ ଅରୁଣ ଗୌଡ଼। ସେ ସାଇକେଲ ଧରି ଗୁଣ୍ଠପୋଡା ଛକରେ ଛିଡା ହୋଥିବା ବେଳେ ବ୍ରହ୍ମପୁରରୁ ଗାଙ୍ଗପୁର ଆଭିମୁଖେ ଯାଉଥିବା ଏକ ମିନିଟ୍ରକ ଧକ୍କା ଦେଇଥିଲା ଫଳରେ ଘଟଣା ସ୍ଥଳରେ ହିଁ ଆରୁଣ ମୃତ୍ୟୁ ବରଣ କରିଥିଲେ।
ଏପଟେ ପୋଲିସ ଘଟଣା ସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଦୁର୍ଘଟଣା ଘଟାଇଥିବା ଡ୍ରାଇବର ଓ ଗାଡିକୁ ଅଟକ ରଖି ଅଧିକ ତଦନ୍ତ ଜାରି ରଖିଛି।