ଗୋପ/ଜୟନ୍ତ କୁମାର ସେଠୀ: ଗତକାଲି ବିଳମ୍ବିତ ରାତିରେ ଭୁବନେଶ୍ୱର ପୁରୀ ଜାତୀୟ ରାଜପଥରେ ଏକ ଦୁର୍ଘଟଣା ଘଟିଯାଇଛି । ସାକ୍ଷୀଗୋପାଳରେ ଏହି ଦୁର୍ଘଟଣା ଘଟିଛି। ବାଇକ ଓ କାର ପୃଥକ ପୃଥକ ସ୍ଥାନରେ ଦୁର୍ଘଟଣା ଘଟି ୧୦ରୁ ଉର୍ଦ୍ଧ୍ବ ଆହତ ହୋଇଥିବା ଜଣାପଡିଛି। ବିଳମ୍ବିତ ରାତିରେ ସୁନା ବେଶ ଦର୍ଶନ କରିବାକୁ ଯାଉଥିବା ବେଳେ ଏହି ଅଘଟଣ ଘଟିଛି । ଆହତ ପ୍ରଥମେ ସାକ୍ଷୀଗୋପାଳ ମେଡିକାଲରେ ଚିକିତ୍ସା ପରେ ଭୁବନେଶ୍ୱର ସ୍ଥାନାନ୍ତର କରାଯାଇଛି । ସୂଚନା ଅନୁସାରେ ସାକ୍ଷୀଗୋପପାଳ ଓଭର ବ୍ରିଜ ଠାରୁ ବୀର ଗୋବିନ୍ଦ ପର୍ୟ୍ୟନ୍ତ ନିଶାସକ୍ତ କାର ଡ୍ରାଇଭର ୬ରୁ ଉର୍ଦ୍ଧ୍ବ ବାଇକ ଆରୋହିଙ୍କୁ ଧକ୍କା ଦେବା ଫଳରେ ଘଟିଥିଲା ଏହି ଦୁର୍ଘଟଣା । ଆହତ ମାନେ ଭୁବନେଶ୍ୱର, କଟକ, ଯାଜପୁର, ପାଣି କୋଇଲି ଅଂଚଳର ବୋଲି ଜଣା ପଡ଼ିଛି।
