ଲକ୍ଷ୍ନୌ : ପୁଣି ଧୋନିଙ୍କ ଜବରଦସ୍ତ ବ୍ୟାଟିଂ । ଛକା ଚଉକା ମାରି ସମସ୍ତଙ୍କୁ ଆଶ୍ଚର୍ଯ୍ୟ କରାଇଛନ୍ତି ଧୋନୀ । ତେବେ ପ୍ରଥମ ମ୍ୟାଚ ହାରିବା ପରେ ସିଜିନକୁ ପୁଣି କମ ବ୍ୟାକ୍ କରିଛନ୍ତି ଧୋନୀ । ସୂଚନା ମୁତାବକ ଚେନ୍ନାଇ ସୁପରକିଙ୍ଗସ ଆଇପିଏଲ୍ ୨୦୨୩ର ପ୍ରଥମ ମ୍ୟାଚ୍ ଜିତିଛି । ଚିଦାମ୍ବରମ୍ ଷ୍ଟାଡିୟମରେ ଖେଳା ଯାଇଥିବା ମ୍ୟାଚରେ ୧୨ ରନରେ ଲକ୍ଷ୍ନୌକୁ ହରାଇଛି ଚେନ୍ନାଇ ସୁପରକିଙ୍ଗସ ।ଆଇପିଏଲ୍ ୨୦୨୩ ୬ଷ୍ଠ ମ୍ୟାଚରେ ଚେନ୍ନାଇ ଲକ୍ଷ୍ନୌ ସୁପର୍ ଜିଆଣ୍ଟସକୁ ୧୨ ରନ୍ରେ ପରାସ୍ତ କରିଛି ସୁପର କିଙ୍ଗସ୍ । ୨୧୮ ରନର ବିଶାଳ ଲକ୍ଷ୍ୟକୁ ପିଛା କରି ୨୦ ଓଭରରେ ୭ ୱିକେଟ ହରାଇ ୨୦୫ ରନ କରି ମ୍ୟାଚ୍ ହାରିଛି ଲକ୍ଷ୍ନୌ। ଲକ୍ଷ୍ନୌ ପକ୍ଷରୁ ପ୍ରଥମରୁ ଭଲ ବ୍ୟାଟିଂ ଦେଖିବାକୁ ମିଳିଥିଲା । କାଇଲ୍ ମାୟର୍ସ ଏବଂ କେଏଲ ରାହୁଲ ୫.୩ ଓଭରରେ ୭୯ ରନ୍ କରିଥିଲେ ।
ଚେନ୍ନାଇ ପକ୍ଷରୁ ମୋଏନ୍ ଅଲି ୪ଟି ୱିକେଟ ନେଇଥିବା ବେଳେ ତୁଷାର ଦେଶପାଣ୍ଡେ ୨ଟି ଓ ମିଚେଲ ସାଣ୍ଟନର୍ ଗୋଟିଏ ୱିକେଟ ନେଇଥିଲେ । ଚେନ୍ନାଇର ଏହି ସିଜିନର ପ୍ରଥମ ବିଜୟ। ପ୍ରଥମ ମ୍ୟାଚରେ ଚେନ୍ନାଇ ଗୁଜୁରାଟ ଠାରୁ ପରାସ୍ତ ହୋଇଥିଲା ।ଏହି ମ୍ୟାଚରେ ଧୋନିଙ୍କ ଜବରଦସ୍ତ ବ୍ୟାଟିଂ ଦେଖିବାକୁ ମିଳିଥିଲା । ଧୋନି ୨ ଟି ଛକା ମାରି ସମସ୍ତଙ୍କୁ ଆଶ୍ଚର୍ୟ୍ୟ କରିଦେଇଥିଲେ ।