ରାଇରଙ୍ଗପୁର ସହର ଅନ୍ତର୍ଗତ ମହୁଲଡିହା ଖେଳ ପଡ଼ିଆରେ ତ୍ରୀଦିଵସୀୟ କୃଷି ଯନ୍ତ୍ରପାତି ପ୍ରଦର୍ଶନୀ ଓ ବିକ୍ରୟ ମେଳ ମହା ସମାରୋହରେ ଉଦଯାପିତ ହୋଇଯାଇଛି ।ଏହି ଉଦଯାପନୀ ଉତ୍ସବରେ ରାଇରଙ୍ଗପୁର ଉପଜିଲ୍ଲାପାଳ ଶ୍ରୀ ସୌମ୍ୟରଂଜନ ପ୍ରଧାନ, ରାଇରଙ୍ଗପୁର ପୌରାଧ୍ଯକ୍ଷ ଅଭିଷେକ ପଟ୍ଟନାୟକ, ରାଇରଙ୍ଗପୁର ବ୍ଳକ ଅଧ୍ୟକ୍ଷ ଜ୍ଞାନ ରଂଜନ ହେମ୍ବ୍ରମ,ଵିଜାତଳା ବ୍ଳକ ଅଧ୍ୟକ୍ଷ ରାଣୀ ମୁର୍ମୁ,ତିରିଂ ବ୍ଳକ ଅଧ୍ୟକ୍ଷ ପରମେଶ୍ବର ସାମାଡ,ଵହଳଦା ବ୍ଳକ ଅଧ୍ୟକ୍ଷା ଦୀପାଞ୍ଜଳି ସିଂ,କୁସୁମି ବ୍ଳକ ଅଧ୍ୟକ୍ଷା ମାଧେ ପୂର୍ତ୍ତି, ବିଶୋଇ ବ୍ଳକ ଅଧ୍ୟକ୍ଷା ତୁଳସୀ ତିର୍କୀ ହାଁସଦା, ଜାମଦା ବ୍ଳକ ଅଧ୍ୟକ୍ଷ ଡୁମକା ହେମ୍ବ୍ରମ, ରାଇରଙ୍ଗପୁର କୃଷି ଅଧିକାରୀ ଲୋକନାଥ ମିଶ୍ର,ଵହଳଦା କୃଷି ଅଧିକାରୀ ଉତ୍ତମ ସୋ, ଯଶିପୁର କୃଷି ବୈଜ୍ଞାନିକ ପ୍ରଦୀପ ମହାନ୍ତି, ରାଇରଙ୍ଗପୁର ବ୍ଳକ କୃଷିଯନ୍ତ୍ରୀ, ମତ୍ସ୍ୟ ,ପଶୁ,ଆଇଟିଡିଏ, ଉଦ୍ୟାନ ,କୃଷି ବିଭାଗ ପ୍ରମୁଖ ଯୋଗ ଦେଇ ପ୍ରଦୀପ ପ୍ରଜ୍ବଳନ କରି ଉଦଯାପନୀ ଉତ୍ସବର ଶୁଭାରମ୍ଭ କରିଥିଲେ । ଅତିଥିଗଣ କହିଥିଲେ କୃଷକ ହେଉଛନ୍ତି ଆମର ଅନ୍ନଦାତା । ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୁର ଶାସ୍ତ୍ରୀ କହିଥିଲେ ଜୟ ଯବାନ,ଜୟ କିଷାନ,ଜୟ ବିଜ୍ଞାନ । ଚାଷୀ ହସିଲେ ଦେଶ ହସିବ । କେନ୍ଦ୍ର ଓ ରାଜ୍ୟ ସରକାର କୃଷି ଓ କୃଷକଙ୍କ ସଶକ୍ତିକରଣ ପାଇଁ ବହୁବିଧ ଯୋଜନା ସହ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ସରକାର ଚାଷୀମାନଙ୍କ ଉନ୍ନତି ପାଇଁ ପ୍ରତିଶ୍ରୁତିଵଦ୍ଧ ।କୃଷକମାନେ ଆଧୁନିକ କୃଷି ପ୍ରଣାଳୀ ଉପରେ ଅଧିକ ଜ୍ଞାନ,କୃଷି ଯନ୍ତ୍ରପାତି ବ୍ୟବହାର ଉପରେ ଜ୍ଞାନ,କୃଷି ଅଧିକାରୀଙ୍କ ଠାରୁ କୃଷିଭିତ୍ତିକ ଜ୍ଞାନ କୁ ନେଇ ନିଜେ ସଶକ୍ତ ହୋଇ କାର୍ଯ୍ୟ କ୍ଷେତ୍ରରେ ବ୍ୟବହାର କଲେ କୃଷି ଅଧିକ ଅମଳ କରିବା ସହ ଦୁଇ ପଇସା ଅଧିକ ରୋଜଗାରକ୍ଷମ ହୋଇ ଆର୍ଥିକ ସଶକ୍ତ ହୋଇ ପାରିବ । ବିଭିନ୍ନ ବିଭାଗର ଅଧିକାରୀମାନେ ସେମାନଙ୍କ ବିଭାଗର ସରକାର ଯୋଜନା, ସହାୟତା ଓ ବୈଷୟିକ ଜ୍ଞାନ ଉପରେ ଉପସ୍ଥିତ ଚାଷୀମାନଙ୍କୁ ଅବଗତ କରାଇଥିଲେ ।ଓଡ଼ିଶାର ଚାଷୀ ପାରଂପାରିକ ଧାନଚାଷ ସହିତ ବିରି,ମୁଗ,ଡାଲି,ଗହମ, ମତ୍ସ୍ୟ,ଛେଳି,ଗୋପାଳନ,କୁକୁଡ଼ା ,ଆମ୍ବ,ସପୁରୀ,ପନିପରିବା ଆଦି ଚାଷ ଉପରେ ଧ୍ୟାନ ଦେଇ ଅଧିକରୁ ଅଧିକ ଉପାର୍ଜନକ୍ଷମ ହେବା ପାଇଁ ପରାମର୍ଶ ଦେଇଥିଲେ । ଉପଜିଲ୍ଲାପାଳ ସୌମ୍ୟରଞ୍ଜନ ପ୍ରଧାନ ଙ୍କ ସହିତ ଜନପ୍ରତିନିଧି ମାନେ ପ୍ରଦର୍ଶନୀ ମେଳା ପରିଦର୍ଶନ କରିଥିଲେ । ମେଳାରେ ବହୁ ଚାଷୀ ଉପସ୍ଥିତ ରହି ନିଜ ମନ ପସନ୍ଦର କୃଷି ଯନ୍ତ୍ରପାତି କ୍ରୟ କରିଥିଲେ । ରାଇରଙ୍ଗପୁର କୃଷି ଅଧିକାରୀ,ଵହଳଦା କୃଷି ଅଧିକାରୀ ,୭ ଟି ବ୍ଳକର କୃଷି ଅଧିକାରୀ,କୃଷି ସାଥି ପ୍ରମୁଖ ସହଯୋଗ କରିଥିଲେ ।
