(ପ୍ରିୟଦର୍ଶନୀ ସ୍ୱାଇଁ)ମୁମ୍ବାଇ: ‘ଉରି. ଦ ସର୍ଜିକାଲ ଷ୍ଟ୍ରାଇକ୍’ ପରେ ଏବେ ଯୁଦ୍ଧ ଉପରେ ଆଧାରିତ ଆଉ ଏକ ବଲିଉଡ୍ ଫିଲ୍ମ ପରଦାକୁ ଆସିବାକୁ ଯାଉଛି । ‘ସିଙ୍ଘମ୍’ରେ ଫିଲ୍ମରେ ଜଣେ ଦକ୍ଷ ପୋଲିସ ଚରିତ୍ରରେ ନଜର ଆସିଥିବା ଅଭିନେତା ଅଜୟ ଦେବଗନ ଏହି ଫିଲ୍ମରେ ଜଣେ ବୀର ଉଇଙ୍ଗ କମାଣ୍ଡରଙ୍କ ଭୂମିକାରେ ନଜର ଆସିବେ ବୋଲି ଜଣାପଡ଼ିଛି ।
ଫିଲ୍ମର ନାଁ ‘ଭୁଜ୍: ଦ ପ୍ରାଇଡ୍ ଅଫ୍ ଇଣ୍ଡିଆ’ରଖାଯାଇଛି । ଫିଲ୍ମର କାହାଣୀ ସତ୍ୟ ଘଟଣା ଉପରେ ଅଧାରିତ ହୋଇଥିବା ବେଳେ ଅଭିଷେକ ଦୁଧୈୟା ଏହାର ନିର୍ଦ୍ଦେଶନା ଦାୟିତ୍ୱ ତୁଲାଇବେ । ସ୍କ୍ବାଡନ ଲିଡର ବିଜୟ ୧୯୭୧ମସିହାରେ ଭାରତ-ପାକ୍ ମଧ୍ୟରେ ହୋଇଥିବା ଯୁଦ୍ଧ ସମୟରେ ଗୁଜୁରାଟର ଭୁଜ୍ ଏୟାରଫୋର୍ସ ବେସ୍ର ଇନ୍ଚାର୍ଜ ଥିଲେ । ଏହି ଫିଲ୍ମରେ ବାୟୁସେନାରେ ସଂଘର୍ଷକୁ ଗୁରୁତ୍ୱ ଦିଆଯାଇଛି । ଏହି ଫିଲ୍ମରେ ଅଜୟ ଦେବଗନ ସ୍କ୍ବାଡନ ଲିଡର ବିଜୟ କାର୍ଣ୍ଣିକଙ୍କ ଭୂମିକାରେ ନଜର ଆସିବେ ।
