ସୋସିଆଲ ମିଡିଆ ଷ୍ଟାର୍ କନ୍ଦିଲ୍ ବଲୋଚଙ୍କ ଉପରେ ନିର୍ମାଣ ହେବ ଫିଲ୍ମ

(ମୁମ୍ବାଇ) : ପାକିସ୍ତାନୀ ସୋସିଆଲ ମିଡିଆ ଷ୍ଟାର୍ କନ୍ଦିଲ୍ ବଲୋଚଙ୍କ ଉପରେ ନିର୍ମାଣ ହେବ ଏକ ଫିଲ୍ମ । ନିର୍ମାତା ଅଳଂକୃତା ଶ୍ରୀବାସ୍ତବ କନ୍ଦିଲଙ୍କ ଉପରେ ଏକ ଫିଲ୍ମ ନିର୍ମାଣ କରିବାକୁ ଯାଉଛନ୍ତି।

ଅଳଂକୃତା କହିଛନ୍ତି, ଯେତେବେଳେ ୨୦୧୬ ରେ ପାକିସ୍ତାନରେ କନ୍ଦିଲ ବଲୋଚଙ୍କୁ ହତ୍ୟା କରାଯାଇଥିଲା, ସେତେବେଳେ ମୁଁ ଗଭୀର ଶୋକରେ ପଡ଼ିଥିଲି। ଏହା ଏକ ଭୟଙ୍କର ସମ୍ମାନ ହତ୍ୟା ଥିଲା। ମୁଁ ତାଙ୍କ ବିଷୟରେ ବାରମ୍ବାର ଚିନ୍ତା କରୁଥିଲି। ଏକ ଛୋଟ ଗାଁର ଜଣେ ଗରିବ ଝିଅ। ଯେତେବେଳେ ତାଙ୍କୁ ହତ୍ୟା କରାଯାଇଥିଲା ସେତେବେଳେ ତାଙ୍କୁ ମାତ୍ର ୨୬ ବର୍ଷ ହୋଇଥିଲା। ବିଡମ୍ବନାର ବିଷୟ, ତାଙ୍କ ମୃତ୍ୟୁ ପରେ ତାଙ୍କୁ ଜଣେ ନାରୀବାଦୀ ଭାବରେ ପରିଚିତ କରାଯାଇଥିଲା।

ସୂଚନାନୁଯାୟୀ , ୨୦୧୬ ରେ ୨୬ ବର୍ଷ ବୟସରେ କନ୍ଦିଲ୍ ବଲୋଚଙ୍କୁ ହତ୍ୟା କରାଯାଇଥିଲା। ଅଳଂକୃତା ଶ୍ରୀବାସ୍ତବ, ସହ ନିର୍ମାତା ବିକାଶ ଶର୍ମା ଏବଂ ସନି ଖନ୍ନା ସାମ୍ବାଦିକ ସନମ ମେହେରଙ୍କ ଦ୍ୱାରା ଲିଖିତ ଏବଂ ଅଲେଫ ଦ୍ୱାରା ପ୍ରକାଶିତ ପୁସ୍ତକ ‘ଦ ସେନ୍ସେସନାଲ୍ ଲାଇଫ୍ ଆଣ୍ଡ୍ ଡେଥ୍ ଅଫ୍ କନ୍ଦିଲ ବଲୋଚ୍’ ର ରାଇଟ୍ସ ପାଇଛନ୍ତି।