ମେଟ ଗାଲା ୨୦୧୩ରେ ସାମିଲ ହେଲେ ଆଲିଆ  

(ମୁମ୍ବାଇ) : ମେଟ ଗାଲା ୨୦୧୩ରେ ବଲିଉଡ ଅଭିନେତ୍ରୀ ଆଲିଆ ଭଟ୍ଟ ମଧ୍ୟ ସାମିଲ ହୋଇଛନ୍ତି । ତାଙ୍କୁ ପ୍ରଥମ ଥର ଏହି ଇଭେଣ୍ଟରେ ଦେଖିବା ପାଇଁ ମିଳିଛି । ଆଲିଆ ଏକ ଧଳା ଗାଉନ ପିନ୍ଧି ଏହି ଇଭେଣ୍ଟରେ ପହଁଞ୍ଚିଥିଲେ । ଯାହାକୁ ଦେଖି ସମସ୍ତେ ଦିୱାନା ହୋଇଯାଇଛନ୍ତି । ଅଭିନେତ୍ରୀ ନିଜ ସୋସିଆଲ ମିଡିଆରେ ନିଜର ଏହି ନୂଆ ଲୁକର ଫଟୋ ସେୟାର କରିଛନ୍ତି । ଯେଉଁଥିରେ ସେ ଏକ ପରୀ ଭଳି ଦେଖାଯାଉଛନ୍ତି ।

ଆଲିଆଙ୍କର ଏହି ଲୁକକୁ ଖୁବ ପସନ୍ଦ କରୁଛନ୍ତି ଫ୍ୟାନ୍ସ । ଇଭେଣ୍ଟର ଅଫିସିଆଲ୍ ସାଇଟରେ ମଧ୍ୟ ଆଲିଆଙ୍କ ଆକର୍ଷଣୀୟ ଲୁକର ଫଟୋ ସେୟାର କରାଯାଇଛି । ଏଥି ସହ ତାଙ୍କ ଭଉଣୀ ଶାହିନ୍ ଭଟ୍ଟ ମଧ୍ୟ ସୋସିଆଲ ମିଡିଆରେ ତାଙ୍କ ଫଟୋ ସେୟାର କରିଛନ୍ତି। ନିଜ ଭଉଣୀଙ୍କ ଫଟୋ ସେୟାର କରି ଶାହିନ୍ କ୍ୟାପସନରେ ଆଞ୍ଜେଲ ବୋଲି ଲେଖିଛନ୍ତି । ତେବେ ଏହି କାର୍ଯ୍ୟକ୍ରମ ନ୍ୟୁୟର୍କରେ ଆୟୋଜିତ ହେଉଛି । ଆଲିଆ ଭଟ୍ଟଙ୍କ ବ୍ୟତୀତ ପ୍ରିୟଙ୍କା ଚୋପ୍ରାଙ୍କୁ ମଧ୍ୟ ଏହି ଇଭେଣ୍ଟରେ ଦେଖିବାକୁ ମିଳିବ।