(ଶିଳାସ୍ମିତା ରାୟ) ଭୁବନେଶ୍ୱର: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ସାହା ଆଜି ଗାନ୍ଧୀନଗରରୁ ତାଙ୍କ ନାମାଙ୍କନ ପତ୍ର ଦାଖଲ କରିଛନ୍ତି । ଅହମ୍ମଦାବାଦରେ ଏକ ବିଶାଳ ଜନ ସମାବେଶକୁ ଉଦ୍ବୋଧନ ଦେବା ଅବସରରେ ନାହିଁ ନ ଥିବା ଭିଡ ଦେଖିବାକୁ ମିଳିଥିଲା । ଏହାପରେ ସେଠାରୁ ସାହା ବିଜେପି ନେତା, କର୍ମୀ, କେନ୍ଦ୍ର ମନ୍ତ୍ରୀ ଓ ଶିବସେନାର କିଛି ନେତାଙ୍କ ଗହଣରେ ଅହମ୍ମଦାବାଦରୁ ଦୀର୍ଘ ୪ କିଲୋମିଟର ରୋଡ ସୋରେ ଯାଇଥିଲେ । ଏହି ଅବସରରେ ସେ ତାଙ୍କ ଶକ୍ତି ପ୍ରଦର୍ଶନ ମଧ୍ୟ କରିଥିଲେ । ଗାନ୍ଧୀନଗର ଆସନରୁ ପୂର୍ବରୁ ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀ ନିର୍ବାଚନ ଲଢି ଆସୁଥିଲେ । ଚଳିତ ବର୍ଷ ଆଡଭାନିଙ୍କୁ ନିର୍ବାଚନୀ ମଇଦାନରୁ ହଟାଇଛି ବିଜେପି ।
