(ଅନୁସ୍ୱୟା)ଭୁବନେଶ୍ୱର: ଦେଶର ଖ୍ୟାତନାମା କମ୍ପାନୀ ଅମୂଲ ଆଜି ନିଆରା ଢଙ୍ଗରେ ଭାରତୀୟ ଜନତା ପାର୍ଟିର ବରିଷ୍ଠ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ଅରୁଣ ଜେଟଲୀଙ୍କୁ ଶ୍ରଦ୍ଧାଞ୍ଜଳୀ ଜଣାଇଛନ୍ତି । ସ୍ୱର୍ଗତ ଜେଟଲିଙ୍କ ଏକ ଗ୍ରାଫିକ୍ ମନୋକ୍ରୋମ୍ ପୋଷ୍ଟର ଉପରେ; ‘କମଲ୍ କି ନେତା; କମାଲ୍ କି ଆଚିଭ୍ମେଣ୍ଟସ୍’ ଲେଖି ଏହାକୁ କମ୍ପାନି ନିଜର ସୋସିଆଲ ମିଡିଆ ସାଇଟ୍ରେ ପୋଷ୍ଟ କରିବା ସହ ନିଜର ଶ୍ରଦ୍ଧାଞ୍ଜଳି ଜଣାଇଛି ସ୍ୱର୍ଗତ ନେତାଙ୍କୁ। ପୋଷ୍ଟର କ୍ୟାପସନ୍ରେ କମ୍ପାନି ଲେଖିଛି: ‘ଟ୍ରିବ୍ୟୁଟ୍ ଟୁ ମଚ୍ ରେସ୍ପେକ୍ଟେଡ୍ ମିନିଷ୍ଟର ଆଣ୍ଡ ଆଟର୍ଣ୍ଣି’।
ଅମୂଲ ନିଜର ସୋସିଆଲ ମିଡିଆ ସାଇଟ୍ରେ ଏହି ଶ୍ରଦ୍ଧାଞ୍ଜଳିକୁ ପୋଷ୍ଟ କରିବା ପରେ ହଜାର ହଜାର ସଂଖ୍ୟାରେ ବ୍ୟବହାରକାରୀ ଏହାକୁ ଲାଇକ୍ କରିବା ସହ ସେୟାର ମଧ୍ୟ କରିଛନ୍ତି। ଗତ ୨୪ ତାରିଖରେ ନୂଆଦିଲ୍ଲୀର ଏମ୍ସ ଠାରେ ଚିକିତ୍ସାଧୀନ ଅବସ୍ଥାରେ ଅରୁଣ ଜେଟଲିଙ୍କର ପରଲୋକ ହୋଇ ଯାଇଥିଲା।
