ବୁରୋ ରିପୋର୍ଟ:ଅନବର-ଉଲ-ହକ କକ୍କର ପାକିସ୍ତାନର ୮ମ କାର୍ଯ୍ୟନିର୍ବାହୀ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି। ପାକିସ୍ତାନରେ ଚାଲିଥିବା ରାଜନୈତିକ ଅସ୍ଥିରତା ମଧ୍ୟରେ ଅନବର-ଉଲ-ହକ କାକର ଶନିବାର ଦେଶର କାର୍ୟ୍ୟକାରୀ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଥିଲେ। ଏହାପୂର୍ବରୁ ପ୍ରଧାନମନ୍ତ୍ରୀ ଶାହାବାଜ ସରିଫ ଏବଂ ବିରୋଧୀ ଦଳର ବିଦାୟୀ ନେତା ରାଜା ରିଆଜଙ୍କ ମଧ୍ୟରେ ଘଣ୍ଟା ଘଣ୍ଟା ଧରି ଆଲୋଚନା ହୋଇଥିଲାବିଦାୟୀ ପ୍ରଧାନମନ୍ତ୍ରୀ ଶାହାବାଜ ସରିଫ ଏବଂ ନ୍ୟାସନାଲ ଆସେମ୍ବଲିରେ ବିରୋଧୀ ଦଳର ନେତା ରାଜା ରିଆଜ ବାଲୁଚିସ୍ତାନର ଅନବର-ଉଲ-ହକ କକ୍କରଙ୍କ ନାମରେ ସହମତ ହୋଇଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ସେ ଆଜି (ଶନିବାର) ଶପଥ ଗ୍ରହଣ କରିବାର ସମ୍ଭାବନା ରହିଛି।
କହିରଖୁଛୁ ଯେ ଅଗଷ୍ଟ ୯ ରେ ସଂସଦ ଭଙ୍ଗ ହେବା ସହିତ ପ୍ରଧାନମନ୍ତ୍ରୀ ଶାହାବାଜ ସରିଫଙ୍କ କାର୍ୟ୍ୟକାଳ ମଧ୍ୟ ଶେଷ ହୋଇଯାଇଥିଲା। ଏଭଳି ପରିସ୍ଥିତିରେ କାର୍ୟ୍ୟକାରୀ ପ୍ରଧାନମନ୍ତ୍ରୀ ନିର୍ବାଚନ ପାଇଁ ଆଜି ଶେଷ ତାରିଖ ଥିଲା। ଏହାପୂର୍ବରୁ ପାକିସ୍ତାନର ରାଷ୍ଟ୍ରପତି ଆରିଫ ଅଲଭି ଶେହବାଜ ସରିଫଙ୍କୁ ଏକ ଚିଠି ଲେଖି ତାଙ୍କୁ ଯଥାଶୀଘ୍ର ଜଣେ ନୂତନ କାର୍ୟ୍ୟନିର୍ବାହୀ ପ୍ରଧାନମନ୍ତ୍ରୀ ନିଯୁକ୍ତ କରିବାକୁ କହିଥିଲେ ଯାହା ଉପରେ ଶେହବାଜ ସରିଫ ମଧ୍ୟ କିଛି ଅସନ୍ତୋଷ ପ୍ରକାଶ କରିଥିଲେ।
