ଭୁବନେଶ୍ୱର: ପୁଣି ରାଜଧାନୀରେ ଘଟିଯାଇଛି ବିଭତ୍ସ ହତ୍ୟାକାଣ୍ଡ । ପୂର୍ବ ଶତ୍ରୁତାକୁ କେନ୍ଦ୍ର କରି ସାଙ୍ଗକୁ ମାରି ଦେଲା ସାଇତାନ ସାଙ୍ଗ । ଖଣ୍ଡଗିରି ବାହାଦଲପୂରରେ ଘଟିଛି ଘଟଣା । ମୃତକ ହେଲେ ଅଶୋକ ସେଠୀ । ସୂଚନା ଅନୁଯାୟୀ ଗତକାଲି ରାତିରେ ଅଶୋକ ଓ ଅଭିଯୁକ୍ତ ଜଗନ୍ନାଥଙ୍କ ମଧ୍ୟରେ ପାଟି ତୁଣ୍ଡ ହେଇଥିଲା। ପରେ ଜଗନ୍ନାଥ ଅଶୋକକୁ ଲୁହା ରଡ଼ ଓ ପ୍ଲାଷ୍ଟିକ ପାଇପରେ ପିଟିଥିଲା। ଫଳରେ ଘଟଣା ସ୍ଥଳରେ ଅଶୋକଙ୍କ ମୃତ୍ୟ ହେଇଥିଲା । ଦୁଇ ଜଣ ସଫେଇ ଗାଡ଼ି ଡ୍ରାଇଭର୍ ଭାବରେ କାର୍ୟ୍ୟ କରୁଥଲେ। ମଦ ପିଇ ଦୁଇ ଜଣଙ୍କ ଭିତରେ ହେଇଥିଲା ବଚସା ଓ ପରେ ଉଗ୍ରରୂପ ନେଇଥିଲା। ଏହି ହତ୍ୟାକାଣ୍ଡ ନେଇ ଖଣ୍ଡଗିରି ଥାନା ପୋଲିସକୁ ଖବର ଦିଆଯାଇଥିଲା । ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଆରମ୍ଭ କରିବା ସହ ହତ୍ୟାକାରି ସାଙ୍ଗକୁ ଅଟକ ରଖିଛି ଖଣ୍ଡଗିରି ଥାନା ପୋଲିସ। ତେବେ କାହିଁକି ଦୁଇ ଜଣଙ୍କ ଭିତରେ ଶତ୍ରୁତା ହୋଇଥିଲା ଜାଣିବାକୁ ଚେଷ୍ଟା କରୁଛି ପୁଲିସ ।
