ଭୁବନେଶ୍ୱର : ଟାଟା ମନ ମାନି ନେଇ ପ୍ରଶ୍ନ ଉଠାଇଲେ ବିରୋଧୀ ଦଳ ନେତା। ଶୁନ୍ୟ କାଳରେ ପଏଣ୍ଟ ଅଫ ଅର୍ଡର ଉଠାଇ ଟାଟା ମନ ମାନି ନେଇ ଉଦବେଗ ପ୍ରକାଶ କଲେ। ଟାଟା ଗୁଣ୍ଡା ଲଗାଇ ବିଲ ସଂଗ୍ରହ କରୁଛି। ମିଟର ଠିକ୍ ଭାବେ କାମ କରୁନି। ଗୋଟେ ବଲ ଜଳୁଥିଲେ ବି ଲକ୍ଷ ଲକ୍ଷ ବିଲ ଆସୁଛି। ଜୋର ଜବରଦସ୍ତ ବିଲ ସଂଗ୍ରହ କରୁଛି ଟାଟା। ଲୋକଙ୍କ ଲାଇନ୍ କାଟୁଛି। ବ୍ୟବସ୍ଥାରେ ନଥାଇ ଏପରି ଟାଟା କିପରି ମନ ମାନି କରୁଛି ବୋଲି କହିଛନ୍ତି। ଏ ନେଇ ବାଚସ୍ପତିଙ୍କ ରୁଲିଂ ଦାବି କରିଥିଲେ। ବାଚସ୍ପତି କହିଛନ୍ତି ଏ ସଂକ୍ରାନ୍ତରେ ଅନୁଧ୍ୟାନ କରିବି, ମନ୍ତ୍ରୀ ବିଧାୟକ ଓ ଅଧିକାରୀଙ୍କୁ ଡକାଇ ଆଲୋଚନା କରିବି, କିପରି ସମସ୍ୟା ଦୂର ହୋଇ ପାରିବ ସେ ନେଇ ପ୍ରୟାସ କରାଯିବ ବୋଲି କହିଛନ୍ତି ବାଚସ୍ପତି।
