ଭୁବନେଶ୍ୱର:ବାଇକ ଦୁର୍ଘଟଣାକୁ ନେଇ ତୁମୁଳକାଣ୍ଡ। ଘଟଣାକୁ ନେଇ ବାଉଁଶ ଏବଂ ବଲ୍ହା ରେ ଆକ୍ରମଣ।ବସ୍ତି ବାସିନ୍ଦାଙ୍କ ଆକ୍ରମଣର ଶିକାର ହେଲେ ଦୁଇ ଯୁବକ। ଆକ୍ରମଣରେ ଦୁଇ ଯୁବକଙ୍କ ଭାଙ୍ଗିଲା ହାତ।ସ୍ଥାନୀୟ ଚନ୍ଦ୍ରଶେଖରପୁର ଥାନା ଅନ୍ତର୍ଗତ ୨ଶହ ଫୁଟିଆ ରାସ୍ତା ମଝିରେ ଥିବା ଆଦର୍ଶ ବସ୍ତି ପାଖରେ ଏକ ବାଇକ୍ ଘଷି ହୋଇ ଯିବାରୁ ଆରମ୍ଭ ହୋଇଛି ଲଙ୍କା କାଣ୍ଡ। ସ୍ଥାନୀୟ ଆଦର୍ଶ ବସ୍ତିର ଜଣେ ଯୁବକ ହଠାତ୍ ବାଇକ୍ ପଛକୁ ଆଣିବାରି ମୁଖ୍ୟ ରାସ୍ତାରେ ଯାଉଥିବା ବାଇକ୍ ଆରୋହୀଙ୍କ ଗାଡ଼ିରେ ଧକ୍କା ହୋଇଯାଇଥିଲା। ପରେ ସେହି ସ୍ଥାନରେ ବାଇକ୍ ଆରୋହୀ ସ୍ଥାନୀୟ ଯୁବକଙ୍କୁ ଭୁଲ୍ ମାଗିଥିଲେ ସୁଧା ଯୁବକ ଜଣକ ନିକଟସ୍ଥ ବସ୍ତିରୁ ଶତାଧିକ ଲୋକଙ୍କୁ ଡାକି ଆଣିଥିଲେ। କିଛି ଲୋକ ବାଉଁଶ ଠେଙ୍ଗା ଏବଂ ପଥରରେ ଆକ୍ରମଣ କରିଥିଲେ। ଫଳରେ ବାଇକ୍ ଆରୋହୀ ସାର୍ଥକ ଗୌଟି ନାୟକ ଏବଂ ବିଶ୍ୱଜିତ୍ ରାଉତଙ୍କ ହାତ ଭାଙ୍ଗି ଯାଇଛି। ଏନେଇ ଥାନାରେ ଚନ୍ଦ୍ରଶେଖରପୁର ଥାନାରେ ଲିଖିତ ଅଭିଯୋଗ କରାଯାଇଛି। ଅଭିଯୋଗ ପରେ ଦୁଇ ବାଇକ୍ ଜବତ୍ ସହ ଜଣେ ଯୁବକକୁ ଅଟକ ରଖି ପଚରାଉଚରା କରୁଛି।
