ନୂଆଦିଲ୍ଲୀ: ଟ୍ରାଫ୍ରିକ ସମସ୍ୟାରୁ ବର୍ତ୍ତିବା ପାଇଁ ଯୁବକ ଆପଣାଇଲେ ନୂଆ ଫର୍ମୁଲା । ଫୁଟ୍ ଓଭରବ୍ରିଜରେ ଗଡ଼ାଇଲେ ଅଟୋ । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଆଉ ଏଭଳି ଘଟଣା ଘଟିଛି ଦିଲ୍ଲୀ ହାମାର୍ଡନାଗର ରେଡଲାଇଟ୍ ସଙ୍ଗମବିହାର ଟ୍ରାଫିକ ସର୍କଲରେ । ଏକ ୨୫ ବର୍ଷୀୟ ଅଟୋ-ରିକ୍ସା ଡ୍ରାଇଭର ନୂଆଦିଲ୍ଲୀରେ ଟ୍ରାଫିକ୍ ଜାମ୍ରୁ ରକ୍ଷା ପାଇବା ପାଇଁ ବ୍ରିଜ୍ ଉପରେ ଏକ ଜନଗହଳିପୂର୍ଣ୍ଣ ରାସ୍ତାରେ ନିଜର ତିନି ଚକିଆ ଯାନ ଚଳାଇଥିଲେ । ଆଉ ଏଥିରେ ତାଙ୍କୁ ଜଣେ ଯୁବକ ସାହାଯ୍ୟ କରୁଥିଲେ । ଆଉ ଏହାର ଭିଡିଓ ଭାଇରାଲ ହେବା ପରେ ବନ୍ଧା ହୋଇଛନ୍ତି ସମ୍ପୃକ୍ତ ଡ୍ରାଇଭର ଓ ତାଙ୍କ ସହଯୋଗୀ। ଉକ୍ତ ଅଟୋ ଚାଳକଙ୍କ ନାଁ ମୁନ୍ନା ବୋଲି ଜଣାପଡିଛି ।
